'बिग बॉस 18' (Bigg Boss 18) हा सध्या चांगलाच चर्चेत आहेत. बिग बॉसच्या घरात वकील गुणरत्न सदावर्ते यांनी धमाकूळ घातला आहे. त्यांनी बिग बॉसच्या घरात त्यांच्या पाळीव गाढवासोबत एन्ट्री घेतली आहे. पहिल्याच आठवड्यात घराबाहेर जाण्याच्या प्रक्रियेत सदावर्ते हे नॉमिनेट झाले होते. या सीझनचा पहिला वीकेंडचा वार पार पडला आहे.
या आठवड्यात 'बिग बॉस 18' च्या घरात चाहत पांडे, करण वीर मेहरा, मुस्कान बामने, अविनाश मिश्रा या सदस्यांसोबत गुणरत्न सदावर्ते (Gunaratna Sadavarte) हे देखील नॉमिनेट झाले होते. त्यांना करण वीर मेहराने नॉमिनेट केले होते. मात्र या आठवड्यात एलिमिनेशन झाले नाही आहे. गुणरत्न सदावर्तेंसोबतच घरातील इतर सदस्य देखील या आठवड्यात सेफ झाले आहेत.
'बिग बॉस 18' मध्ये मात्र आता एक ट्विस्ट आला आहे. या आठवड्यात बिग बॉसच्या घरातून कोणता सदस्य नाही तर 'गधराज' (Gadharaj) म्हणजे गुणरत्न सदावर्ते यांचा पाळीव गाढव बाहेर जाणार आहे. यापुढे सदावर्ते यांचा गाढव बिग बॉसच्या घरात दिसणार नाही. 'बिग बॉस'ने सोशल मीडियावर पोस्ट करून ही बातमी चाहत्यांना दिली आहे. 'बिग बॉस'च्या घरात गाढव ठेवल्यामुळे PETA (People for The Ethical Treatment of Animals) या संस्थेने नाराजी व्यक्त केली होती. त्यामुळे बिग बॉसने हे पावलं उचलले. येत्या बिग बॉसच्या एपिसोडमध्ये काय होणार आणि वकिल गुणरत्न सदावर्ते घरात कोणता राडा घालणार हे पाहणे मनोरंजक ठरणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.