Bigg Boss च्या घरात पार पडणार शेवटचं एलिमिनेशन, व्होटिंग लाइन्स केव्हा बंद होणार? जाणून घ्या

'बिग बॉस मराठी' (Bigg Boss Marathi) च्या घरात रोज नवीन राडा पाहायला मिळत आहे. दिवसेंदिवस हा गेम रंजक होत जात आहे. हा बिग बॉस मराठीचा अंतिम आठवडा आहे. गेल्या आठवड्यात पॅडी दादा घराबाहेर गेले आहेत. पॅडी दादाच्या जाण्यामुळे सूरजला खूप दुःख झाले आहे. हे पर्व अवघ्या ७० दिवसांत प्रेक्षकांचा निरोप घेत आहे. बिग बॉसने दहा आठवड्यांत हा सीझन संपविला आहे.

'बिग बॉस मराठी'चं हे पर्व खूप गाजले आहे. घरातील सदस्यांवर लोकांनी भरपूर प्रेम केलं आहे. नुकताच घरात सूरज आणि निक्कीमध्ये फिनालेच्या तिकीटसाठी टास्क झाला. यामध्ये निक्कीने बाजी मारली आणि तिने 'तिकीट टू फिनाले' जिंकले. ती घरातील पहिली सदस्य ठरली जी फिनालेला पोहचली. अरबाजमुळे निक्कीला 'तिकीट टू फिनाले' मिळाले आहे. अरबाजने घरातून बाहेर जाताना म्युचुअल फंड्सचे कॉइन्स निक्कीला दिले होते.

'बिग बॉस मराठी' ग्रँड फिनाले 6 ऑक्टोबर ला पार पडणार आहे. निक्की सोडून घरातील इतर सर्व सदस्य नॉमिनेट झाले आहेत. या पर्वाचे शेवटचं एलिमिनेश (Elimination ) लवकरच पार पडणार आहे. यात धनंजय दादा, अंकिता, जान्हवी, अभिजीत, सूरज आणि वर्षा ताई हे सात सदस्य नॉमिनेटेड आहेत. २ ऑक्टोबर रात्री १०.३० पर्यंत व्होटिंग लाइन्स सुरू राहणार आहेत. तुम्ही तुमच्या आवडत्या सदस्याला जिंकवण्यासाठी वेळेत व्होट करा. आता संपूर्ण महाराष्ट्राचे लक्ष 'बिग बॉस मराठी 5' ची ट्रॉफी कोण उचलणार याकडे लक्ष लागले आहे.