Pathaan Box Office Collection Day 9: शाहरुख खान स्टारर 'पठान' चित्रपटाची बॉक्स ऑफिसवर घोडदौड यशस्वी रित्या सुरु आहे. ट्रेड ॲनालिस्ट रमेश बाला यांनी दिलेल्या माहितीनुसार, प्रदर्शनाच्या नवव्या दिवशी चित्रपटाने जगभरात एकूण ७०० कोटींचा टप्पा ओलांडला.
चित्रपटाच्या पहिल्या दिवशी या चित्रपटाने भारतात बॉक्स ऑफिसवर 57 कोटी रुपयांची शानदार ओपनिंग केली होती. हा चित्रपट आठवड्याच्या मधल्या दिवशी प्रदर्शित झाल्यापासून, चित्रपट गेल्या आठवड्याभरात संपूर्ण जगभरात 500 कोटींचा टप्पा ओलांडण्यात यशस्वी झाला. यामुळे तो चित्रपट हिंदी चित्रपटांच्या इतिहासातील सर्वात जास्त ओपनिंग वीकेंड कमाई करणारा ठरला आहे.
दिग्दर्शक सिद्धार्थ आनंदच्या 'पठान'ने 'KGF Chapter 2' आणि 'Bahubali 2'चा भारतातील कलेक्शनचा टप्पा ओलांडला नाही. सध्या तरी 'पठान' आमिर खान स्टारर 'दंगल'चा रेकॉर्ड मोडण्याच्या तयारीत आहे. 'एक था टायगर', 'टायगर जिंदा है' आणि 'वॉर' नंतर 'पठान' हा नवीन YRF स्पाय युनिव्हर्समधील चौथा चित्रपट आहे.
पठान थिएटरमध्ये अप्रतिम कामगिरी करत आहेत. या वीकेंडला कोणतेही मोठे चित्रपट प्रदर्शित न झाल्याने हा चित्रपट बॉक्स ऑफिसवर राज्य करत आहे. यापूर्वी कार्तिक आर्यनचा 'शेहजादा' हा चित्रपट १० फेब्रुवारीला प्रदर्शित होणार होता, मात्र आता हा चित्रपट १७ फेब्रुवारीला प्रदर्शित होणार आहे.
'पठान' चित्रपटातून शाहरुख खान चार वर्षांच्या दीर्घ कालावधीनंतर मोठ्या पडद्यावर परतला आहे. शाहरुख शेवटचा आनंद एल राय दिग्दर्शित झिरो चित्रपटात दिसला होता. यावर्षी शाहरुख अॅटलीच्या 'जवान' चित्रपटातही दिसणार आहे. या चित्रपटात त्याच्यासोबत नयनतारा आणि विजय सेतुपती दिसणार आहेत. यासोबतच शाहरुख तापसीसोबत राजकुमार हिरानीच्या डंकीमध्येही दिसणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
