Pathaan box office Day 19: 'पठान'चा बॉक्स ऑफिसवर डंका कायम, सलग तिसऱ्या आठवड्यातही कमाईत अव्वल

Pathaan box office Day 19 Collection: 'पठान' चित्रपट प्रदर्शित होऊन तीन आठवडे झाले असून चित्रपटाने अनेक रेकॉर्ड ब्रेक करणं कायम ठेवले आहे. सिद्धार्थ आनंद दिग्दर्शित, स्पाय थ्रिलर चित्रपटात शाहरुखसोबत दीपिका पादुकोण, जॉन अब्राहम, डिंपल कपाडिया आणि आशुतोष राणा आहे. तिसर्‍या विकेंडमध्ये चित्रपटाने बॉक्स ऑफिसवर दमदार कमाई केली आहे. 'पठान'ने बॉक्स ऑफिसवर रविवारी 12.50 कोटी रुपयांची कमाई केली, अशी माहिती एका इंग्रजी संकेतस्थळाने दिली आहे.

'पठान' चित्रपटाने हिंदी भाषेत ४६९ कोटींची कमाई झाली होती. तर, इतर भाषेत चित्रपटाने ४८६.२५ कोटी रुपयांची कमाई केली आहे. सिद्धार्थ आनंद दिग्दर्शित 'पठान'सध्या अनेक चित्रपटांनी केलेल्या चित्रपटांची कमाई ब्रेक करीत आहे. 'बाहुबली २'च्या हिंदी भाषेतील चित्रपटाने बॉक्स ऑफिसवर ५११ कोटींचा गल्ला जमावला होता.'पठान' चित्रपटाने जर अशी रेकॉर्डब्रेक कमाई केली तर, 'पठान' बॉलिवूडमधील ५०० कोटींच्या क्लबमधील तो पहिला चित्रपट असेल.

पण मुख्य बाब म्हणजे, 'पठान'ने वर्ल्ड वाईड अनेक रेकॉर्ड मोडत ९२४ कोटींचा गल्ला जमावला आहे. 'पिंकव्हिला'ने शेअर केलेल्या माहितीप्रमाणे, रविवारी चित्रपटाने वर्ल्ड वाईड ९५० कोटींची कमाई केली आहे. सध्या हा चित्रपट 1000 कोटींच्या क्लबमध्ये दाखल होणार आहे. येत्या आठवड्यात म्हणजेच, चौथ्या आठवड्यात चित्रपट दिलासादायक कामगिरी करणार का हे पाहणे औत्सुक्याचे ठरणार आहे.

येत्या चौथ्या आठवड्यात अनेक ब्लॉकबस्टर चित्रपट प्रदर्शित होणार आहेत. येत्या शुक्रवारी, कार्तिक आर्यनचा शेहजादा, मार्वलचा अँट-मॅन अँड द वास्प: क्वांटुमनिया, अक्षय कुमारचा सेल्फी, रणबीर कपूर- श्रद्धा कपूरचा तू झुटी मैं मक्का आणि तब्बू- अजयचा भोला हा चित्रपट देखील प्रदर्शित होणार आहे. आता या सर्वांसमोर शाहरुखचा 'पठान' किती कमाई करणार हे पाहणे महत्वाचे ठरणार आहे.