Pakistani Web Series: भारत आणि पाकिस्तान यांच्यातील बिघडलेले संबंध जगजाहीर आहेत. खेळ असो किंवा सिनेमे भारताविरुद्ध नेहमीच गरळ ओकण्याचे काम पाकिस्तान करत असतो. त्यामुळेच पाकिस्तामधील हिंदू समुदायाला मोठ्या प्रमाणावर त्रास दिला जातो. सध्या पाकिस्तानने एका वेबसिरीजमधून पुन्हा भारताला डिवचण्याचे काम केले असून या सिरीजमध्ये हिंदू धर्माचा अपमान केला गेला आहे. 'सेवक-द कन्फेशन' असे या सिरीजचे नाव असून सोशल मीडियावर या विरोधात संताप व्यक्त केला जात आहे. (Sevak - The Confessions Web Series)
याबाबत संपूर्ण माहिती अशी की, 'सेवक-द कन्फेशन' (Sevak The Confessions) ही पाकिस्तानची (Pakistan) वेबसिरीज प्रदर्शित झाली असून या सिरीजमधून हिंदूचा अपमान केल्याचा आरोप केला जात आहे. या सिरीजची कथा १९८४ च्या दंगलीची आहे. ज्यामध्ये बाबरी मशिदी तसेच गुजरात दंगलीचा आशय संदर्भ दाखवण्यात आला आहे.
सोबतच यामध्ये दीप सिद्धू, हेमंत करकरे, गौरी लंकेश, जुनैद खान यांच्याही आयुष्याशी निगडीत कथा दाखवण्यात आल्या आहेत. या सिरीजच्या ट्रेलरमध्ये हिंदू संताना चुकीच्या पद्धतीने दाखवण्यात आले आहे. या प्रकाराने भारतीय नागरिक चांगलेच संतापले असून ज्यामुळे सोशल मीडियावर या सिरीजला विरोध केला जात आहे. (Latest Marathi News)
या सिरीजवर नेटकऱ्यांच्या संतप्त प्रतिक्रिया पाहायला मिळत असून 'ही वेबसिरीज म्हणजे कचरा' असल्याचे अनेकांनी म्हणले आहे. तर काही नेटकऱ्यांनी काहीच समजले नसल्याचे म्हणत या वेबसिरीजची (Web Series) खिल्ली उडवली आहे. सोबतच काही नेटकऱ्यांनी 'आधी निट अभिनय करायला शिका', असा सल्लाही दिला आहे. एका नेटकऱ्याने "दुसऱ्या देशांकडून भीक मागता आणि अशा भारतविरोधी सिरीज बनवायला कसा पैसा येतो", अशीही संतप्त प्रतिक्रिया दिली आहे.
दरम्यान, सिरीजमधील या आक्षेपार्ह सीनबद्दल दिग्दर्शकाने अद्याप कोणताही खुलासा केलेला नाही. या वादग्रस्त वेबसिरीजचे आठ एपिसोड प्रदर्शित झाले असून त्याचे लेखन साजी गुलने केले आहे तर दिग्दर्शन अंजुम शहजादने केले आहे.
Edited By - Gangappa Pujari
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.