Myra Performance : मायराने हुबेहूब साकारली छोटी श्रेया बुगडे; नक्कल पाहून अभिनेत्रीला हसू आवरेना

Myra Mimic Shreya Bugde : 'चला हवा येऊ द्या' या कार्यक्रमाचे नवीन पर्व प्रेक्षकांच्या भेटीला आले आहे.
Myra Vaikul As Shreya Budge
Myra Vaikul As Shreya BudgeSaam TV

Chala Hawa Yeu Dya Viral Promo: 'चला हवा येऊ द्या' हा झी मराठीवरील कार्यक्रम गेली अनेक वर्ष प्रेक्षकांचे मनोरंजन करत आहे. या विनोदी कार्यक्रमाच्या नव्या पर्वाची सुरुवात झाली असून यावेळी बालकलाकार प्रेक्षकांना हसविण्यासाठी येणार आहेत. या कार्यक्रमाचे नवीन पर्व 'लहान तोंडी मोठा घास' प्रेक्षकांच्या भेटीला आले आहे. कार्यक्रमात प्रसिद्ध बालकलाकार सादरीकरण करताना दिसत आहेत.

'चला हवा येऊ द्या' या कार्यक्रमाने प्रेक्षकांच्या मनात घर केले आहे. हा कार्यक्रम सुरू झाल्यावर काही काळातच लोकप्रिय झाला. प्रेक्षक हा कार्यक्रम आवर्जून आणि न चुकता पाहतात.

कार्यक्रमातील कलाकरांनी सादरीकरण करताना त्यात जीव ओततात. भाऊ कदमचा कॉमेडी टायमिंग, कुशल बद्रिकेची बाप की अदालत, श्रेयाच्या नकला, निलेश साबळेचं निवेदन , सागर कारंडेची पुणेरी बाई या सगळ्यावरच प्रेक्षक मनापासून प्रेम करतात. (Latest Entertainment News)

Myra Vaikul As Shreya Budge
Mahabharat Fame Actor Passed Away: प्रसिद्ध टीव्ही कलाकार गुफी पेंटल यांचं निधन, मनोरंजन विश्वावर शोककळा

चला हवा येऊ द्या कार्यक्रमाचे नवीन पर्व

'चला हवा येऊ द्या' या कार्यक्रमाचे नवीन पर्व प्रेक्षकांच्या भेटीला आले आहे. या कार्यक्रमाचे २०१४ पासून ९ वेगवेगळे पर्व प्रेक्षकांच्या भेटीला आले आहे. महाराष्ट्र दौरा, लेडिज झिंदाबाद, होऊ दे व्हायरल, जगभर चला हवा येऊ द्या, सेलिब्रिटी पॅटर्न या विविध पर्वातून कार्यक्रमाने प्रेक्षकांचे मनोरंजन केले आहे. आता चला हवा येऊ द्याचे नवीन पर्व 'लहान तोंडी मोठा घास' सध्या चांगलेच चर्चेत आहे. या पर्वात लहान उत्साद प्रेक्षकांना हसवायला सज्ज झाले आहे.

लहान तोंडी मोठा घास या पर्वात बालकलाकार प्रेक्षकांना खळखळून हसवायला तयार आहेत. या पर्वात तुझी माझी रेशीमगाठ फेम परी म्हणजेच मायरा वैकुल, तुझ्याच जीव रंगला फेम लाडू म्हणजेच राजवीरसिंह राजे, साईशा भोइरसह असे अनेक बालकलाकार कार्यक्रमातून आपल्याला दिसणार आहेत.

मायरा बनली छोटी श्रेया

कार्यक्रमाच्या नवीन पर्वाला सुरवात झाली आहे. कार्यक्रमात बालकलाकार प्रेक्षकांना हसवण्यात कोणतीही कसर सोडत नाहीत. नुकत्याच कार्यक्रमाच्या सोमवारच्या भागाचा प्रोमो प्रदर्शित करण्यात आला आहे. या प्रोमोलो प्रचंड प्रतिसाद मिळत आहे.

प्रोमोत मायरा वैकुल ही श्रेयाची नक्कल करताना दिसत आहे. मायरा ही छोटी श्रेया बनली आहे. तिने श्रेयासारखा ड्रेसही घातला आहे. या स्किटमध्ये मायरासोबत राजवीरही दिसत आहे. मायरा ही श्रेयाची हुबेहुब नक्कल करताना पाहून पुढे जाऊन मायरा ही श्रेया होणार असं अनेकजणांनी कमेंटमध्ये लिहिलं आहे. या प्रोमोवर लाईक्स आणि कमेंट्सचा पाऊस पडत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com