Mithun Chakraborty : मिथुन चक्रवर्ती यांना दादासाहेब फाळके पुरस्काराने सन्मानित, भावूक होऊन म्हणाले...

नवी दिल्ली येथे काल म्हणजे (8 ऑक्टोबर) रोजी राष्ट्रीय पुरस्कारांचा सोहळा पार पडला. या पुरस्कार सोहळ्याला अनेक दिग्गजांनी उपस्थिती लावली होती. अनेक मोठ्या कलाकारांना या सोहळ्याला सन्मानित देखील करण्यात आले. हा सन्मान राष्ट्रपती द्रौपदी मुर्मू (Draupadi Murmu) यांच्या हस्ते करण्यात आला.

मनोरंजन विश्वात ज्येष्ठ अभिनेते मिथुन चक्रवर्ती यांनी मोठे नाव कमावले आहे. त्यांनी ७० वा राष्ट्रीय चित्रपट पुरस्कार सोहळा गाजवला आहे. मिथुन चक्रवर्ती यांनी अनेक हिट चित्रपट केले आहेत. त्यांची विनोदी वृत्ती देखील प्रेक्षकांना खूप आवडते.

द्रौपदी मुर्मू यांच्या हस्ते ज्येष्ठ बॉलिवूड अभिनेते आणि डान्सर मिथुन चक्रवर्ती यांना दादासाहेब फाळके राष्ट्रीय पुरस्कार देण्यात आला. यंदाच्या दादासाहेब फाळके पुरस्कारावर मिथुन चक्रवर्ती यांनी आपलं नाव कोरलं आहे. मिथुन दादांची इंडस्ट्रीमध्ये मोठी कारकीर्द केली आहे. लहानांपासून मोठ्यांपर्यंत सर्वच मिथुन चक्रवर्ती यांच्या डान्सचे दिवाने आहेत. यंदा या राष्ट्रीय पुरस्करांची घोषणा ऑगस्ट महिन्यात करण्यात आली होती. पुरस्कार मिळाल्यानंतर मिथुन चक्रवर्ती हे खूप जास्त भावुक झाले आणि त्यांनी आपल्या भावना व्यक्त केल्या आहेत.

मिथुन चक्रवर्ती हे आभार व्यक्त करताना बोले की, "माझ्या रंगावरून, दिसण्यावरून मला खूप टोमणे मारण्यात आले. पण मी कधीच खचून गेलो नाही. इंडस्ट्रीत स्वतःचं वेगळ स्थान निर्माण केलं. मला जेव्हा समजलं की मला दादासाहेब फाळके पुरस्कार मिळणार आहे तेव्हा विश्वास बसत नव्हता. मात्र मला आनंद खूप झाला होता."