Miss Universe India 2025 : राजस्थानच्या सुंदरीने जिंकला 'मिस युनिव्हर्स इंडिया २०२५' चा किताब, पाहा PHOTOS

मनोरंजनसृष्टीतून आनंदाची बातमी समोर आली आहे. मनिका विश्वकर्मा (Manika Vishwakarma) हिने 'मिस युनिव्हर्स इंडिया 2025' चा ( Miss Universe India 2025) किताब जिंकला आहे. त्यामुळे सध्या तिच्यावर कौतुकाचा वर्षाव होत आहे. मनिका ही मूळची राजस्थानच्या (Rajasthan ) श्रीगंगानगर इथे राहणारी आहे.

राजस्थानमधील जयपूर येथे 'मिस युनिव्हर्स इंडिया 2025' स्पर्धा आयोजित करण्यात आली होती. या कार्यक्रमाचे फोटो आणि व्हिडीओ सोशल मिडियावर तुफान व्हायरल होत आहेत. 'मिस युनिव्हर्स इंडिया 2025' ची विजेता मनिका विश्वकर्मा थायलंडमध्ये भारताचे प्रतिनिधित्व करणार आहे. मनिका विश्वकर्मा 74 व्या मिस युनिव्हर्स स्पर्धेत जागतिक व्यासपीठावर भारताचे प्रतिनिधीत्व करेल. मनिका विश्वकर्माने यापूर्वी मिस युनिव्हर्स राजस्थान 2024 चा किताब जिंकला होता.

'मिस युनिव्हर्स इंडिया 2025' विजेत्यांची यादी

• मनिका विश्वकर्मा (राजस्थान) - विजेती

• तान्या शर्मा (उत्तर प्रदेश) - पहिली रनर-अप

• मेहक धिंग्रा (हरियाणा) - दुसरी रनर-अप

• अमिषी कौशिक -तिसरी रनर-अप

कोण आहे मनिका विश्वकर्मा?

मनिका विश्वकर्मा ही सध्या दिल्लीत राहते. मनिका विश्वकर्माने अर्थशास्त्र आणि राज्यशास्त्र या विषयात पदवी शिक्षण घेतले आहे. मनिका विश्वकर्माने दिल्लीमध्ये मॉडेलिंगचे करिअर सुरू केले.

मनिका विश्वकर्मा प्रतिक्रिया

'मिस युनिव्हर्स इंडिया 2025' किताब जिंकल्यावर मनिका विश्वकर्माने तिच्या शिक्षकांचे, पालकांचे, कुटुंबाचे, मित्रांचे आणि मार्गदर्शकांचे आभार मानले आहेत.