Pankaj Bhadouria: प्रसिद्ध सेलिब्रिटी मास्टरशेफला ब्रेस्ट कॅन्सर; स्वत: पोस्ट करत दिली माहिती, मनोरंजनसृष्टीत खळबळ

Pankaj Bhadouria: 'मास्टरशेफ इंडिया'च्या पहिल्या सीझनची विजेती, पंकज भदौरियाने त्यांच्या सोशल मीडिया अकाउंटवर सांगितले आहे की त्यांना ब्रेस्ट कॅन्सर झाला आहे. २८ मे रोजी, पंकजने हॉस्पिटलमधून एक फोटो शेअर केला, यामध्ये त्या हॉस्पिटलच्या बेडवर झोपलेली दिसत आहे. त्यांच्या शरीराला मेडिकल वायर्स जोडलेल्या आहेत. त्यांनी त्या पोस्टला कॅप्शन दिले, "मला ब्रेस्ट कॅन्सर झाला आहे. मला तुमच्या प्रार्थनाची गरज आहे."

त्यांनी हॉस्पिटलमधून एक व्हिडिओ तिच्या सोशल मीडिया अकाउंटवर शेअर केला. त्या व्हिडिओमध्ये, त्या हॉस्पिटलच्या गाऊनमध्ये बसलेली दिसत असून त्यांच्या हाताला मेडिकल कॅन्युला लावलेला आहे. व्हिडिओवरील कॅप्शनमध्ये लिहिले आहे, "टेस्टसाठी जात आहे... अजिबात आनंदी नाही." त्यांनी आणखी एक व्हिडिओ शेअर केला, यामध्ये त्यांनी त्यांच्या आजाराचे निदान आणि सध्याच्या आरोग्य स्थितीबद्दल माहिती दिली.

पंकज यांची पोस्ट

त्या म्हणाली, "मला तुम्हा सर्वांना कळवायचे आहे की मला ब्रेस्ट कॅन्सर झाल्याचे निदान झाले आहे. तुम्ही सर्व माझ्यासाठी कुटुंबासारखे आहात, म्हणून मला ही गोष्ट तुम्हा सर्वांना वैयक्तिकरित्या सांगायची होती." या वेळी मला तुमच्या प्रार्थना आणि समर्थनाची खरोखर गरज आहे. म्हणतात ना, प्रार्थनेने चमत्कार घडतात. म्हणून मला तुमच्या प्रार्थनेची गरज आहे.

पंकज भदौरिया कोण आहेत?

२०१० मध्ये 'मास्टरशेफ इंडिया'चा पहिला सीझन जिंकल्यानंतर पंकज भदौरिया रातोरात प्रसिद्ध झाल्या. त्या देशाच्या पहिल्या मास्टरशेफ विजेत्या ठरल्या. या सीझनचे सूत्रसंचालन बॉलिवूड अभिनेता अक्षय कुमारने केले होते. पंकज एक इंग्रजी शिक्षिका होत्या आणि या कुकिंग रिॲलिटी शोमध्ये भाग घेण्यासाठी त्यांनी आपली १६ वर्षांची नोकरी सोडली होती. त्या भारतातील सर्वात प्रसिद्ध सेलिब्रिटी शेफ आणि टेलिव्हिजन होस्टपैकी एक बनल्या. त्यांनी 'शेफ पंकज का झायका', 'अफोर्डेबल किचन', '३ कोर्सेस विथ पंकज' आणि 'रसोई से - विथ पंकज भदौरिया' यांसारखे अनेक कुकिंग-आधारित शो होस्ट केले.

पंकज भदौरिया यांचे यूट्यूब चॅनल

पंकज यांनी त्यांच्या यूट्यूब चॅनल आणि सोशल मीडिया हँडलद्वारे मोठा चाहतावर्ग निर्माण केला आहे. त्या त्यांच्या ऑनलाइन फॉलोअर्ससाठी सतत रेसिपी व्हिडिओ, स्वयंपाकाच्या टिप्स आणि इतर विविध गोष्टी पोस्ट करत असतात.