Subhedar Trailer : राजं आधी लगीन कोंढाण्याचं... 'सुभेदार' चित्रपटाचा धमाकेदार ट्रेलर प्रदर्शित

Subhedar Trailer Out : छत्रपती शिवाजी महाराज महाराष्ट्राचे दैवत आहेत. छत्रपती शिवाजी महाराजांना साथ देण्याऱ्या मावळ्यांचे योगदान देखील खूप महत्त्वाचे आहे. अशाच एका शूरवीराची कथा लेखक - दिग्दर्शक दिग्पाल लांजेकर नवीन चित्रपट घेऊन आपल्या भेटीला येत आहेत.

दिग्पाल लांजेकर यांचा 'सुभेदार' हा चित्रपट लवकरच प्रदर्शित होणार आहे. नुकताच या चित्रपटाचा ट्रेलर प्रदर्शित झाला आहे. अनेक ऐतिहासिक चित्रपटानंतर आता 'सुभेदार' हा ऐतिहासिक चित्रपट आपल्या भेटीला येणार आहे.

'सुभेदार' चित्रपटाच्या ट्रेलरची सुरुवात कोंढाणा किल्ल्यापासून होते. तर शिवाजी महाराज जिजाऊंना 'एका महिन्यात तुमच्या चरणाशी कोंढाणा आणून ठेवेन' असे म्हणतात.