Bigg Boss Season 4: बिग बॉस चावडीवर घेणार खेळाडूंची शाळा; आज कोण असणार निशाण्यावर?

मुंबई: कलर्स मराठीवरील सर्वात जास्त टीआरपी असलेला रिअॅलिटी शो म्हणजे बिग बॉस मराठी 4. (Bigg Boss) मराठी बिग बॉसच्या घरातील सदस्यांमध्ये शोच्या पहिल्या दिवसापासूनच चांगले भांडण रंगताना दिसले. त्यामुळे सर्वात जास्त यांच्यात युद्ध नुकतेच रंगताना दिसले. जेवढे भांडतात, तेवढेच ते सर्व खेळाडू धम्माल- मस्ती ही करतात. नुकत्याच खेळाडूंनी डान्सचाही आनंद लूटला. जो पर्यंत बिग बॉसच्या घरात दिलेले कार्य पूर्ण होत नाही, तो पर्यंत टीम ए आणि टीम बी मध्ये चांगलेच शीतयुद्ध रंगताना दिसले. (Marathi Entertainment News)

गेल्या भागात बिग बॉसच्या घरात श्रेयस तळपदेने हजेरी लावली. त्याच्या 'आपडी थापडी' चित्रपटाच्या प्रमोशन निमित्त बिग बॉसच्या घरात हजेरी लावली होती. सोबतच बिग बॉसच्या घरात पहिल्यांदाच अनेक रेकॉर्डब्रेक करत महिला कॅप्टनपदी विराजमान झाली. त्या स्पर्धकाचे नाव समृद्धी जाधव आहे. रविवारच्या भागात म्हणजेच आजच्या भागात चावडी आहे. त्यामुळे बिग बॉस काय बोलणार याची चांगलीच चर्चा रंगत आहे.

कालच्या झालेल्या चावडीत महेश मांजरेकरांनी सर्वात जास्त टिकेची झोड अपूर्वा नेमळेकर, प्रसाद जवादे यांच्यावर घेतली. तसेच बिग बॉसना वाटतंय कॅप्टन समृद्धी जाधवला तिचे स्वतःचे मत नाही! या मुद्द्यावरून मांजरेकरांनी काही प्रश्न उपस्थित करत कान टोचले. आजच्या चावडीत महेश मांजरेकर कोणत्या मुद्द्यावरून खेळाडूंना घेरतात?, सर्व खेळाडूंना काय कानमंत्र देणार हे ही पाहणे महत्वाचे ठरणार आहे.

आजच्या एपिसोडमध्ये सर्वच खेळाडूंना कोण हिरो आणि कोण झिरो असे हा खेळ करायचा आहे. कलर्स मराठीने त्यांच्या सोशल मीडिया अकाऊंटवरुन आजच्या एपिसोडचा टीझर शेअर करण्यात आला आहे. त्या टीझरमध्ये, महेश मांजरेकर स्पर्धक निखिल राजशिर्केला खेळावरून ओरडले. निखिलच्या एका उत्तरामुळे महेश मांजरेकर त्याची कशी शाळा घेतात हे आजच्या भागातच कळेल.

Edit By: Chetan Bodke