Prajakta Mali: तू लग्न कधी करणार? चाहत्याच्या प्रश्नावर प्राजक्ता माळीचं मिश्किल उत्तर; म्हणाली, 'तुम्हाला खरंच…'

Prajakta Mali: मराठी मनोरंजनविश्वातील लोकप्रिय अभिनेत्री प्राजक्ता माळी सोशल मिडियावर मोठ्या प्रमाणात सक्रिय असते. तिने हल्लीच चाहत्यांच्या काही खास प्रश्नांची उत्तर दिली आहेत. यावेळी काही चाहत्यांनी तिला तिच्या लग्नाविषयी प्रश्न विचारले. त्यावर तिने मिश्किलपणे उत्तर देत आपला मुद्दा ठेवला. नेमकं काय म्हणाली प्राजक्ता?

प्राजक्ता माळी चाहत्यांशी सोशल मीडियावर संवाद साधताना लग्नाबद्दल विचारलेल्या एका प्रश्नावर अनोखं उत्तर दिलं आहे. सोशल मीडियावर तिने चालवलेल्या प्रश्नोत्तर सत्रात एका चाहत्याने तिला थेट “तुम्ही कधी लग्न करणार?” असा प्रश्न विचारला. यावर प्राजक्ताने त्वरित उत्तर देण्याऐवजी चाहत्याला प्रत्युत्तर म्हणून “तुम्हाला खरंच वाटतं… की मी लग्न करावं?” असा प्रश्नच विचारला, त्यामुळे तिने हा प्रश्न चांगलाचं फिरवला. पण तिच्या या प्रतिक्रियेमुळे चाहत्यांमध्ये उत्सुकता वाढली आहे.

प्राजक्ता माळी ही सोशल मीडियावर नेहमीच सक्रिय असते आणि चाहत्यांशी संवाद साधताना ती वेगवेगळ्या प्रश्नांना खुलेपणाने उत्तर देते. लग्नासोबतच या Q&A सेशनमध्ये तिने तिचा पहिला क्रश कोण होता याबद्दलही सांगितलं, ज्यावर तिने बॉलिवूड अभिनेता सलमान खान याचं नाव घेतलं. या संवादातून प्रेक्षकांना तिच्या वैयक्तिक आयुष्याबद्दल अधिक मनोरंजक माहिती मिळाली आहे.

प्राजक्ता माळीने आपल्या अभिनय कौशल्यामुळे मराठी मालिकांमध्ये आणि चित्रपटांमध्ये प्रेक्षकांच्या मनात विशेष स्थान निर्माण केलं आहे. तिच्या कामामुळे ती टीव्ही शो आणि सोशल मीडिया प्लॅटफॉर्मवर प्रचंड प्रसिद्ध आहे. आगामी काळात प्राजक्ताला ‘देवखेळ’ नावाच्या प्रोजेक्टमध्येही दिसणार आहे. यामध्ये ती अजून एक वेगळा अनुभव प्रेक्षकांना देणार आहे.