Urfi Javed: रात्री ३ वाजता दोन पुरुषांनी दार ठोठावलं अन्...; उर्फी जावेदसोबत नेमकं काय घडलं?

Urfi Javed: सोशल मीडियावर नेहमीच आपल्या हटके स्टाइल आणि थेट वक्तव्यांनी चर्चेत असलेली उर्फी जावेद सध्या एका धक्कादायक मध्यरात्रीच्या घटनेमुळे पुन्हा चर्चेत आली आहे. उर्फीने तिच्या इंस्टाग्रामवर मुंबईच्या एका पोलीस स्टेशनमध्ये घेतलेले फोटो आणि अनुभव शेअर करत ती रात्री कशी भयानक होती, याचे वर्णन केले आहे.

उर्फीनं सांगितले की, 22 डिसेंबरच्या मध्यरात्री सुमारे 3 वाजता दोन अज्ञात व्यक्तींनी तिच्या घराच्या दाराची बेल १० मिनिटं वाजवली. प्रथम एक व्यक्ती असल्याचे वाटले, पण नंतर लक्षात आले की दोन लोक दरवाज्यावर आहेत आणि ते निघून जाण्यास तयार नाहीत. उर्फीने त्यांना जाण्यास सांगितले पण त्यांनी घरात जाण्याची परवानगी घेतली. ती नाही म्हणाली आणि त्यांना तिथून जाण्यास सांगितले. त्यावर तिने तसे म्हटले की “पोलिसांना बोलावेन” पण तरीही दोघे तिथेच थांबले. अखेर पोलिसांना फोन करण्यात आला आणि पोलीस घटनास्थळी आल्यावर ते दोघे निघून गेले. उर्फीनं म्हटलं की या काळात दोघांनी पोलीसांशीही गैरवर्तन केल्याचा प्रकारही घडला. उर्फीने या अज्ञात लोकांविरुद्ध तक्रार दाखल केली आहे.

उर्फीने या अनुभवाला “आयुष्यातला सगळ्यात भयानक अनुभव” असे वर्णन केले आणि याबद्दल भीती व्यक्त केली. तिने सांगितले की जेव्हा मध्यरात्री अज्ञात लोक दारावर सतत बेल वाजवतात, तेव्हा घरातील व्यक्तींना काय करायचं हे सुचत नाही, विशेषतः जेव्हा घरात महिला असतील तर ही परिस्थिती अधिकच घाबरवणारी असते.

या सगळ्या प्रकारानंतर उर्फी आणि तिच्या बहिणी डॉली जावेद पहाटे साडे 5 वाजता मुंबईतील पोलीस स्टेशनवर पोहोचल्या. त्यांनी तिथे घेतलेले फोटो आणि अनुभव सोशल मिडियावर शेअर केले आहेत. या पोस्टमध्ये दोघेही थकलेले आणि चिंतेत दिसत आहेत. उर्फीच्या पोस्टनंतर चाहत्यांची चिंता व्यक्त केली असून, अनेकांनी तिच्या सुरक्षिततेबद्दल प्रतिक्रिया दिली आहे.