Meera Joshi Wedding Date: तारीख लक्षात आहे ना? मराठमोळी अभिनेत्री या दिवशी अडकणार लग्नबंधनात; होणाऱ्या पतीची करून दिली ओळख

Marathi Actress Meera Joshi Wedding Date:

'माझ्या नवऱ्याची बायको' या मालिकेतील मीरा तुम्हाला आठवतेय का? या मालिकेत तिने नकारात्मक पात्र साकारलं होत. अजूनही ते प्रेक्षकांच्या लक्षात आहे. ही मीरा लवकरच विवाहबंधनात अडकणार आहे.

काही दिवसांपूर्वी मीरा जोशीने तिच्या आणि तिच्या बॉयफ्रेंडच्या फोटो शेअर करून तिच्या प्रेमाची कबुली दिली होती. आता तिने लवकर लग्नबंधनात अडकणार असल्याचे सांगितले आहे.

मीरा जोशीने काही दिवसांपूर्वी एक फोटो शेअर केला होता. समुद्रकिनाऱ्यावरील या फोटोमध्ये मीरा तिच्या बॉयफ्रेंडसोबत होती. परंतु या फोटोमध्ये त्याचा चेहरा मात्र तिने दाखविला नव्हता. यामुळे तिच्या चाहत्यांना आणि प्रेक्षकांना तिच्या पार्टनरविषयी जाणून घेण्याची खूप उत्सुकता होती.

मीराने काही तासांपूर्वी पुन्हा त्या आऊफिटमधील फोटो शेअर केले आहेत. या फोटोमध्ये तिने बॉयफ्रेंडच्या चेहरा आणि लग्नाची तारीख रिव्हील केली आहे. येत्या ५ तारखेला म्हणजे ५ सप्टेंबरला मीरा जोशी लग्न करणार आहे.

मीरा जोशीचा या फोटोंमधील लूक खूपच पारंपरिक आहे. मीराने परकर-पोलकं घातलं आहे आणि त्यावर दोन वेण्या बांधल्या आहेत.

मीराच्या होणाऱ्या नवऱ्याचे नाव नेहूल वारुळे आहे. नेहूल अभिनेता आणि नृत्यदिग्दर्शक आहे. टीव्हीवरील अनेक शोसाठी त्याने नृत्यदिगदर्शन केले आहे.

मीरा आणि नेहूल दोघेही डान्सर आहे. अनेक रिऍलिटी शोमध्ये ते सहभागी झाले आहेत. मीरा मालिका आणि चित्रपटांमध्ये काम केले आहे. (Latest Entertainment News)