मराठी मनोरंजन विश्वातून दुःखद बातमी समोर आली आहे. प्रसिद्ध अभिनेत्यांच्या कुटुंबावर दुःखाचा डोंगर कोसळला आहे. मराठमोळा अभिनेते रमेश परदेशी उर्फ पिट्या भाईच्या वडिलांचे निधन झाले आहे. अभिनेत्याने यासंबंधित पोस्ट शेअर करून माहिती दिली आहे. रमेश परदेशी यांनी आजवर अनेक चित्रपट केले आहे.
अभिनेता रमेश परदेशी यांचे वडील परशुराम लक्ष्मण परदेशी यांचे २२ ऑक्टोबरला दुपारी १२.३० च्या सुमारास वृद्धापकाळाने निधन झाले आहे. वडिलांच्या जाण्याने अभिनेत्याला धक्का बसला आहे. अनेक कलाकार मंडळी आणि चाहत्यांनी अभिनेत्याच्या वडीलांच्या निधनाची बातमी समजताच सोशल मीडियाच्या माध्यमातून त्यांना श्रद्धांजली वाहिली आहे.
मित्राच्या वडीलांच्या जाण्याने मराठमोळे अभिनेते प्रवीण तरडेही भावुक झाले आहेत. त्यांनी सोशल मीडियावर पोस्ट शेअर करून श्रद्धांजली वाहिली आहे. पोस्टमध्ये प्रवीण तरडेंनी अभिनेते रमेश परदेशी यांच्या वडिलांसोबतचा फोटो शेअर केला आहे.
प्रवीण तरडेंनी पोस्टच्या कॅप्शनला लिहिलं की, "मित्राचे वडील हे सुध्दा एक खूप सुंदर नातं असतं. आपल्या मित्राच्या मैत्री बरोबर ते सुध्दा पिकत जातं. पिट्याचे वडील आज गेले शुन्यातून स्वतःचं विश्व निर्माण केलेला माणूस. त्यांच्या सारखी डाय बनवणारा कुशल डायमेकर माझ्या पाहण्यात दुसरा नाही. लहानपणापासूनच्या खूप आठवणी आहेत त्यांच्या. मागचे सहा महिने आजारी होते. पिटयाने खूप प्रयत्न केले. पण नाही वाचवू शकला त्यांना. परमेश्वर दादांच्या आत्म्यास शांती देवो आणि पिट्याला या दुःखातून सावरण्याची शक्ती देवो."
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.