Gashmeer Mahajani Post: ‘ते स्टार होते त्यांना स्टारच राहू द्या...’ वडिलांच्या निधनानंतर गश्मीर महाजनीची भावुक पोस्ट

Gashmeer Mahajani on Ravindra Mahajani Death: ज्येष्ठ अभिनेते रविंद्र महाजनी यांच्या निधनाने मराठी मनोरंजन विश्वाला धक्का बसला. रविंद्र महाजनी यांचं निधन मावळच्या तळेगाव दाभाडी येथील (Pune News) आंबी गावातील घरी शुक्रवारी (१४ जुलै) सायंकाळी चारच्या सुमारास त्यांचा मृतदेह आढळून आला.

दोन दिवसानंतर शेजाऱ्यांना वास आला असता त्यांनी तात्काळ पोलिसांकडे तक्रार केली. शेवटी पोलिसांना दार तोडावे लागले. दार तोडल्यावर पोलिसांना रविंद्र महाजनी हे घरात मृतावस्थेत दिसले. अखेर रविंद्र महाजनी यांच्या निधनानंतर मुलगा आणि अभिनेता गश्मीर महाजनीने सोशल मीडियावर पहिली प्रतिक्रिया दिलीय.

आपल्या वडिलांच्या निधनानिमित्त गश्मीर महाजनी म्हणतो, “ताऱ्याला ताऱ्यासारखंच राहू द्या.. मी आणि माझे कुटुंबीय शांतच राहणं पसंत करतोय. जर माझ्या न बोलण्याने जर मला मानहानी पत्करावी लागत असेल तर इतर कोणत्याही गोष्टीप्रमाणे याचा मी स्वीकार करतो.. वडिलांच्या आत्म्याला शांती लाभो. ओम शांती. ते माझे वडील होते. माझ्या आईचे पती होते. आणि तुमच्या कोणाही पेक्षा आम्ही त्यांना चांगलं ओळखतो. कदाचित योग्य वेळ आली की मी भविष्यात याविषयी बोलेन.”

तळेगाव एमआयडीसी पोलिस ठाण्याचे वरिष्ठ पोलिस निरिक्षक रणजीत सावंत यांनी सांगितलेल्या पोस्टमार्टम अहवालात ते म्हणतात, शवविच्छेदनाच्या प्राथमिक अहवालात रविंद्र महाजनी यांच्या शरीरावर कोणत्याही प्रकारच्या खुणा देखील नव्हत्या. रविंद्र महाजनींचे निधन गुरूवारी १३ जुलै रोजी झाली असल्याची शक्यता आहे. मात्र अद्याप तरी या प्रकरणाचा व्हिसेरा रोखून ठेवला आहे.

अभिनेते रविंद्र महाजनी यांच्या मृतदेह शुक्रवारी त्यांच्या राहत्या घरी आढळला. शवविच्छेदन अहवालात, त्यांच्या शरीरावर कोणत्याही जखमा आढळल्या नाहीत. सोबतच त्यांचा मृत्यू गुरूवारी झाली असल्याची शक्यता आहे.

त्यांच्या मृत्यू प्रकरणी पोलिस अधिक तपास करीत आहे. रविंद्र महाजनी पुण्यातील तळेगाव दाभाडेतील एक्सरबीया सोसायटी, MIDC रोड, आंबी येथे भाड्याच्या घरात राहत होते. त्यांचा मृतदेह त्यांच्या बंद घरात आढळला होता.

रविंद्र महाजनी गेल्या ७- ८ महिन्यांपासून तेथील फ्लॅटवर एकटेच राहत होते. महाजनी यांचे कुटुंबीय त्यांना कोणीही भेटायला येत नसल्याची माहिती शेजारच्यांनी दिली. दरम्यान दोन ते तीन दिवसांपूर्वीच मृत्यू झाल्याचा प्राथमिक अंदाज व्यक्त केला जात होता.