Gigi Hadid Arrest: सुपरमॉडेल गिगी हदीदला एअरपोर्टवरच अटक; भरावा लागणार हजार डॉलरचा दंड, नेमकं काय आहे प्रकरण

Gigi Hadid Arrest News: हॉलिवूडची सुप्रसिद्ध अभिनेत्री आणि सुपर मॉडेल जीजी हदीद संबंधित एक महत्वाची माहिती मिळत आहे. अभिनेत्रीने आणि तिच्या मैत्रिणीने अंमली पदार्थ बाळगल्याप्रकरणी तिला अटक करण्यात आली होती.

मिळालेल्या माहितीनुसार, हदीदला काही दिवसांपूर्वी केमन बेटावर तिच्या मैत्रिणीसोबत अंमली पदार्थ बाळगल्याबद्दल अटक करण्यात आली होती. काही मीडिया रिपोर्टनुसार, गिगी हदीदला १० जुलै रोजी ग्रँड केमन येथील ओवेन रॉबर्ट्स आंतरराष्ट्रीय विमानतळावर तिच्या मैत्रिण लीह मॅककार्थीसोबत उतरली, यावेळी पोलिसांनी केलेल्या तपासणीत त्यांना अभिनेत्रीच्या बॅगेत अंमली पदार्थ आढळून आले.

मीडिया रिपोर्ट्सनुसार, कस्टम अधिकाऱ्यांनी (सीमाशुल्क विभागाने) जीजीच्या सामानाची तपासणी केली असता, पोलिसांना कारवाईत काही अंमली पदार्थ सापडले. त्यानंतर जीजी हदीदसोबत तिच्या मैत्रिणीला देखील अंमली पदार्थ बाळगल्याप्रकरणी अटक करण्यात आली. १२ जुलै २०२३ रोजी, जीजी हदीद आणि तिची मैत्रिण मॅककार्थी समरी कोर्टात हजर केल्यानंतर अधिकार्‍यांनी त्या दोघींनाही दोषी ठरवले. जीजी हदीद आणि तिची मैत्रिण मॅककार्थी यांनी अंमली पदार्थ बाळगल्याप्रकरणी पोलिसांनी प्रत्येकी १,००० डॉलर इतका दंड ठोठावला आणि यावेळी त्यांना जामिनावर देखील सोडण्यात आले. (Latest Marathi News)

जीजी हदीद आणि लीह मॅककार्थी या दोघी मैत्रिणी त्यांच्या प्रायव्हेट विमानाने केमन बेटावर आल्या होत्या. दरम्यान, सीमाशुल्क अधिकाऱ्यांना त्यांच्या सामानात काही अंमली पदार्थ सापडले. या प्रकरणानंतर जीजी हदीदच्या टीमकडून एक निवेदन जारी करण्यात आलं आहे. त्या निवेदनात स्पष्ट केलंय की, ‘जीजी वैद्यकीय परवान्यासह न्यूयॉर्कमध्ये कायदेशीररित्या खरेदी केलेला गांजा घेऊन प्रवास करत होती. ग्रँड केमनमध्ये २०१७पासून वैद्यकीय वापरासाठी देखील गांजा कायदेशीर करण्यात आला आहे. तिच्याकडे असलेल्या गांजाचे रेकॉर्ड्स उपलब्ध आहेत.’

जीजी हदीद गेल्या काही दिवसांपासून तिच्या वैयक्तिक आयुष्यामुळे चर्चेत आहे. मीडिया रिपोर्ट्सनुसार, ‘टायटॅनिक’ अभिनेता लिओनार्डो डी कॅप्रियोला डेट करत असल्याची माहिती मिळत आहे. लिओनार्डो आणि कॅमिला मोरोन यांच्या चार वर्षांच्या रिलेशननंतर त्यांच्यात ब्रेकअप देखील झाले. ब्रेकअपनंतर अवघ्या काही दिवसातच ‘टायटॅनिक’ अभिनेता लिओनार्डो डी कॅप्रियोसोबतच्या नात्याची माहिती समोर आली. दोघेही आतापर्यंत अनेक कार्यक्रमांमध्ये एकत्र स्पॉट झाले आहेत.(Latest Entertainment News)