Manoj Bajpayee : मनोज बाजपेयीचा वाढदिवस; गँग्स ऑफ वासेपूर नाही, तर 'ही' आहे अभिनेत्याची सर्वाधिक रेटिंग असलेली कलाकृती

Manoj Bajpayee Birthday : हिंदी चित्रपटसृष्टीत आपलं वेगळं स्थान निर्माण करणारा अभिनेता मनोज बाजपेयी याचा 23 एप्रिलला वाढदिवस आहे.

मनोज बाजपेयीने आपल्या तीन दशकांच्या करिअरमध्ये विविध भाषांमध्ये सर्वोत्तम अभिनयाद्वारे भारतीय चित्रपटांमध्ये आपला ठसा उमटवला आहे. (Latest Marathi News)

'सत्या' हा मनोज बाजपेयीचा प्रसिद्ध चित्रपटांपैकी एक आहे. या चित्रपटातील भिखू म्हात्रेची भूमिका लोकांना विसरणे सोपे नाही. मनोज बाजपेयी याने खरी ओळख सत्य या चित्रपटातून मिळवली आणि या चित्रपटासाठी त्याला राष्ट्रीय पुरस्कारही मिळाला. हा चित्रपट 1998 मध्ये प्रदर्शित झाला होता.

पद्मश्री पुरस्कार विजेता हा कलाकार सर्वांत अलीकडे चित्रपट गुलमोहरमध्ये दिसला होता. गुलमोहरमधील त्याच्या अभिनयासाठी दर्शक आणि समिक्षकांनी त्याची खूप स्तुती केली होती. त्याच्या काही उल्लेखनीय कलाकृतींमध्ये स्पेशल 26, अलीगढ़ आणि द फॅमिली मॅनचा समावेश आहे. पुढील काळात बाजपेयी बंदामध्ये अजय सोनी आणि कौस्तव सिन्हासोबत दिसणार आहे.

IMDb वरील मनोज बाजपेयीच्या सर्वाधिक रेटिंग असलेले 10 चित्रपट आणि वेब सिरीज :

1. द फॅमिली मॅन - 8.7

2. सत्या - 8.3

3. गँग्स ऑफ् वासेपूर - 8.2

4. 1971 - 8.2

5. वेदम - 8.1

6. स्पेशल 26 - 8

7. सोनचिड़िया - 7.9

8. पिंजर - 7.9

9. अलीगढ़ - 7.8

10. वीर जारा - 7.8