Maharashtrachi Hasyajatra: ओंकार भोजनेच्या तोंडून 'ते शब्द' एकूण नम्रता झाली भावुक, पाहा VIDEO

Namrata Sambherao On Omkar Bhojane:

अभिनेता ओंकार भोजने याच्या कविता चाहत्यांना नेहमीच आनंद देतात. त्याच्या कविता ऐकण्यासाठी सारेच उत्सुक असतात.

‘एकदा येऊन तर बघा’ या प्रसाद खांडेकर दिग्दर्शित चित्रपटाच्या प्रमोशन निमित्ताने ओंकार भोजने, नम्रता संभेराव, वनिता खरात या कलाकारांनी नुकतीच एका कार्यक्रमाला हजेरी लावली होती.

यावेळी ओंकारने सादर केलेल्या कवितेने अभिनेत्री नम्रता संभेराव भावुक झाली. याचा व्हिडिओ सोशल मीडियावर व्हायरल होत आहे. ‘एकदा येऊन तर बघा’ चित्रपटात हे तिन्ही कलाकार महत्त्वाची भूमिका साकारणार आहेत. (Latest Marathi News)

विशेष म्हणजे हे तिन्ही कलाकार एकदा येऊन तर बघा चित्रपटाच्या निमित्ताने पुन्हा एकत्र येणार असल्याने त्यांचे चाहते सुखावले आहेत. एकदा येऊन तर बघा' चित्रपटाची निर्मिती परितोष पेंटर, राजेशकुमार मोहंती, दिपक क्रिशन चौधरी, सेजल दिपक पेंटर यांची असून सहनिर्मिती अश्विनपद्मनाभन, सत्यनारायण मूरथी, डॉ.झारा खादर यांची आहे.

चित्रपटाची कथा परितोष पेंटर यांची असून पटकथा, संवाद प्रसाद खांडेकर यांचे आहेत.येत्या २४ नोव्हेंबरला 'एकदा येऊन तर बघा' ही मनोरंजनाची सुपरफास्ट एक्स्प्रेस आपल्या भेटीला येणार आहे.