‘महाराष्ट्राची हास्यजत्रा’ या शोने प्रेक्षकांचे निखळ मनोरंजन केले आहे. या शोची लोकप्रियता फक्त महाराष्ट्रातच नाही तर भारतात आणि जगभरात आहे. हास्यजत्रेने अनेक नव्या नवख्या कलाकारांना संधी दिली आहे. या शोच्या माध्यमातून अनेक कलाकारांच्या प्रसिद्धीमध्ये मोठ्या प्रमाणावर वाढ झाली आहे. त्यातीलच एक कलाकार म्हणजे, ओंकार राऊत. ओंकार राऊतने आपल्या कॉमेडीच्या जोरावर विशेष प्रसिद्धी मिळवली आहे.
नुकतीच ‘महाराष्ट्राची हास्यजत्रा’च्या एपिसोडमध्ये, महाराष्ट्र भूषण पुरस्काराने सन्मानित ज्येष्ठ अभिनेते अशोक सराफ यांनी हजेरी लावली होती. यावेळी ओंकार राऊतच्या अभिनयाचे अशोक सराफ यांनी कौतुक केले. अशोक सराफ यांनी ओंकारच्या अभिनयाचे कौतुक केल्यानंतर त्याने खास इन्स्टा पोस्ट शेअर केली आहे.
पोस्टमध्ये ओंकार राऊतने लिहिले की,
“बरोबर दहा वर्षांनी भेट झाली! खूप छान वाटलं! काय लिहू? काय नको? हे कळत नाहीये. तुमच्या सोबत काम करण हे अनेकांचं स्वप्न असत आणि ते स्वप्न माझ्या पहिल्या व्यावसायिक नाटकातच पूर्ण झालं! तेव्हा जे जे तुमच्याकडून शिकलो ते आता थोडफार वापरण्याचा प्रयत्न करतोय. तुम्हाला भेटून तुम्ही माझ्याशी काय बोलाल याची उत्सुकता होती. “आता अजून चांगल करायला लागलास रे!! गुड! कीप इट अप!!” हे वाक्य तुमच्या तोंडून ऐकलं आणि मी धन्य झालो!! Thank You अशोक मामा!! MHJ चे skits बघताना तुमच्या चेहऱ्यावरचा आनंद पाहून मलाच जास्त भारी वाटलं.”
ओंकार राऊतने ही पोस्ट शेअर केल्यानंतर त्याचे चाहत्यांकडून कौतुक केले जात आहे. ओंकार एक प्रसिद्ध टेलिव्हिजन अभिनेता असून त्याने मराठी रंगभूमीवरही आणि मराठी सिनेसृष्टीतही काम केले आहे. त्याशिवाय तो वेबसीरीजमध्येही दिसला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.