Monalisa : महाकुंभमेळ्यामुळे नशीब चमकलं! व्हायरल गर्ल मोनालिसा झळकणार मोठ्या पडद्यावर; चित्रपटाचं नाव काय?

सध्या प्रयागराजमध्ये महाकुंभमेळा (Mahakumbh 2025 ) सुरू आहेत. हा महाकुंभमेळा (Mahakumbh 2025) 13 जानेवारीपासून सुरू झाला असून 26 फेब्रुवारीपर्यंत असणार आहे. महाकुंभमेळ्याला भाविकांची गर्दी पाहायला मिळत आहे. गंगेत स्नान करण्यासाठी सर्व सामान्य भक्तांपासून ते मोठ्या कलाकारांपर्यंत अनेकजण महाकुंभमेळ्यात सहभागी होत आहेत. महाकुंभमेळ्याला वेगवेगळ्या ठिकाणांहून लोक येतात. महाकुंभमेळ्यात माळा विकणारी एक मुलगी आता खूप चर्चेत आली आहे.

मोनालिसा नावाची मुलगी महाकुंभमेळ्यात माळा विकत आहे. तिचे रूप कोणत्याही अभिनेत्रीपेक्षा कमी नाही. महाकुंभमेळ्यामुळे आता मोनालिसाच्या आयुष्याला नवीन वळण मिळाले आहे. तिचे नशीब चमकले आहे. मोनिलिसाला (Monalisa) थेट चित्रपटात काम करण्याची संधी मिळाली आहे. चित्रपट निर्माते सनोज मिश्रा यांनी आपल्या सोशल मीडियावर एक खास व्हिडीओ शेअर केला आहे. ज्यामध्ये त्यांनी एक आनंदाची बातमी चाहत्यांसोबत शेअर केली आहे.

चित्रपट निर्माते सनोज मिश्रा यांनी त्याच्या आगामी चित्रपटात मुख्य अभिनेत्री म्हणून मोनालिसाला कास्ट केले आहे. त्यांनी मोनालिसा आणि तिच्या कुटुंबाची भेट घेऊनल चित्रपटाची बोलणी केली आहे. सनोज मिश्रा (Sanoj Mishra) हे मोनालिसा भेटण्यासाठी तिच्या घरी मध्य प्रदेशातील महेश्वर येथे पोहचले. सनोज मिश्रा यांच्या 'द डायरी ऑफ मणिपुर'या चित्रपटात मोनालिसाची वर्णी लागली आहे. मोनालिसा चित्रपटात एका लष्करी जवानाच्या मुलीची भूमिका ती साकारणार आहे. चाहते आता या चित्रपटासाठी खूप उत्सुक दिसत आहेत. शूटिंग सुरू होण्याआधी मोनालिसाला अभिनय कसा असतो, नेमकं काय घडते म्हणजे एकंदरच तिला ट्रेनिंग दिले जाणार आहे.

बॉलिवूड सुपरस्टार राजकुमार रावचा भाऊ अमित राव 'द डायरी ऑफ मणिपुर' या चित्रपटातून बॉलिवूडमध्ये पदार्पण करणार आहे. 'द डायरी ऑफ मणिपुर' चित्रपटाचे बजेट जवळपास २० कोटी रुपये आहे. या चित्रपटाचे शूटिंग मणिपूर, दिल्ली आणि लंडनमध्ये केले जाणार आहे.सनोज मिश्रा यांनी आजवर अनेक हिट चित्रपट केले आहेत. महाकुंभमेळा मोनालिसाच्या डोळ्यांनी जादू केली. मोनालिसा बंजारा समाजाची आहे. मोनालिसाचे सौंदर्याने अनेक लोक घायाळ झाली आहेत.