Maa Box Office Collection : काजोलच्या 'माँ' चित्रपटाचा बोलबाला, 'या' सुपरहिट चित्रपटांना टाकले मागे, कलेक्शनचा आकडा किती?

बॉलिवूड अभिनेत्री काजोल (kajol ) सध्या तिच्या 'माँ' (Maa ) चित्रपटामुळे चांगलीच चर्चेत आहे. 'माँ' चित्रपट 27 जून 2025 ला प्रेक्षकांच्या भेटीला आला आहे. चित्रपटात काजोलच्या अभिनयाने सर्वांची मने जिंकली आहे.'माँ' चित्रपट एका आई आणि मुलीच्या संघर्षावर आधारित आहे. हाएक हॉरर चित्रपट आहे. यात राक्षस आणि देवी काली मातेची कथा सांगितली आहे. काजोल आपल्या मुलीला दुष्ट आत्म्यापासून वाचवण्यासाठी राक्षसाची लढताना दिसत आहे. या चित्रपटाने तीन दिवसांत किती कोटींचा व्यवसाय केला जाणून घेऊयात.

'माँ' बॉक्स ऑफिस कलेक्शन दिवस 3

• पहिला दिवस - 4.65 कोटी रुपये

• दुसरा दिवस - 6 कोटी रुपये

• तिसरा दिवस - 6.75 कोटी रुपये

• एकूण - 17.40 कोटी रुपये

'माँ'ची रेकॉर्ड ब्रेक कामगिरी

'माँ' चित्रपट सध्या बॉक्स ऑफिसवर धुमाकूळ घालत आहे. या चित्रपटाने तीन दिवसांत 17.40 कोटी रुपयांचा व्यवसाय केला आहे. 'माँ' चित्रपट आता लवकरच 20 कोटींचा टप्पा पार करणार आहे. काजोलच्या 'माँ' चित्रपटाने पहिल्या आठवड्यात अनेक चित्रपटांना मागे टाकले आहे.

• द भूतनी - 7.34 कोटी रुपये

• फुले - 1.59 कोटी रुपये

• ग्राउंड झिरो - 7.33 कोटी रुपये

• क्रेझी - 6.60 कोटी रुपये

• मेरे हसबंड की बीवी - 6.65 कोटी रुपये

• लव्हयापा - 6.50 कोटी रुपये

• इमर्जन्सी - 12.26 कोटी रुपये

• फतेह - 11.1 कोटी रुपये

'माँ' स्टारकास्ट

अजय देवगणच्या 'माँ' चित्रपटात मुख्य भूमिकेत काजोल झळकली आहे. तर खलनायकाची भूमिकेत रोनित रॉय दिसत आहे. याशिवाय चित्रपटात इंद्रनील सेनगुप्ता पाहायला मिळाला आहे. ज्याने काजोलच्या नवऱ्याची भूमिका साकारली आहे.