LEO 3rd Day Collection: थलापती विजयच्या ‘लियो’ची बॉक्स ऑफिसवर ‘गर्जना’, तिसऱ्या दिवशीही बक्कळ कमाई

LEO 3rd Day Box Office Collection

विजय थलापतीच्या ‘लियो’ने फक्त तीन दिवसातच हटके कमाई करत यशस्वी घोडदौड कायम ठेवली आहे. १९ ऑक्टोबरला हा चित्रपट प्रदर्शित झाला आहे. या बहुप्रतिक्षित चित्रपटाची गेल्या अनेक दिवसांपासून चर्चा होत आहे. चित्रपटाची पहिल्या दिवसाची कमाई पाहता दुसऱ्या आणि तिसऱ्या दिवसाची कमाई कमी आहे. चित्रपटाने दुसऱ्याच दिवशी जरी १०० कोटींचा टप्पा गाठला असला तरी, कमाईचा आलेख काही अंशी कमी दिसत आहे. चला तर जाणून घेऊया चित्रपटाच्या तिसऱ्या दिवसाच्या कमाईबद्दल...

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

लोकेश कनगराज दिग्दर्शित चित्रपटाला सध्या देशभरामध्ये संमिश्र प्रतिसाद पाहायला मिळत आहे. दाक्षिणात्य भारतातच नाही तर इतर भागातसुद्धा विजय थलापतीचा चाहतावर्ग फार मोठ्या प्रमाणात आहे. नुकतंच सॅकल्निकच्या अहवालानुसार, तिसऱ्या दिवशी देशभरामध्ये चित्रपटाने ४० कोटींची कमाई केली आहे. चित्रपटाने तमिळनाडू राज्यात २६ कोटी, केरला राज्यात ७ कोटी, कर्नाटक ५.५० कोटी, आंध्रप्रदेश ५ कोटी इतर उर्वरित कमाई देशातील अन्य शहरातील आहे. चित्रपटाने काल एकूण ४० कोटींचा टप्पा गाठला आहे.

सॅकनिल्कच्या अहवालानुसार, विजय थलापतीच्या ‘लियो’ने पहिल्या दिवशी १४८.५ कोटींचे जागतिक कलेक्शन केले आहे. चित्रपटाने पहिल्या दिवशी एकट्या भारतात अंदाजे ६४.८० कोटींची कमाई केली आहे. तर, दुसऱ्या दिवशी चित्रपटाने भारतात ३६ कोटी कमावले. तर महत्वाची गोष्ट म्हणजे, तामिळ चित्रपट पाहण्यासाठी ६६% थिएटर हाऊसफुल्ल होता. भारतात तीन दिवसातच चित्रपटाने १४५ ते १५० कोटींच्या आसपासचा आकडा गाठला आहे.

प्रदर्शनाच्या पहिल्याच दिवशी चित्रपट ऑनलाईन लिक झाला होता. Movierulz, Filmyzilla, Tamil Rockers, Telegram आणि 123 Movies या ऑनलाईन साईड्सवर चित्रपट एचडी क्वालिटीमध्ये उपलब्ध झाला होता. चित्रपट ऑनलाईन उपलब्ध झाल्यामुळे त्याचा फटका कमाईवर बसेल, अशी शंका होती. पण जरीही असं असलं तरी, सध्या बॉक्स ऑफिसवर चित्रपट चांगलीच कमाई करीत आहे.

‘लिओ’ हा एक ॲक्शन थ्रिलर चित्रपटाचे लेखन आणि दिग्दर्शन लोकेश कनागराज यांनी केले आहे. चित्रपटाची पटकथा रत्नाकुमार आणि धीरज वैद्य यांनी लिहिली आहे. चित्रपटामध्ये प्रमुख भूमिकेमध्ये संजय दत्त, त्रिशा, अर्जुन सर्जा, मायस्किन, गौतम वासुदेव मेनन, मन्सूर अली खान, प्रिया आनंद आणि सँडी यांच्यासह अनेक कलाकार महत्त्वाच्या भूमिकेत आहेत. ‘लिओ’ चित्रपटाची निर्मिती सेव्हन स्क्रीन स्टुडिओने केली असून अनिरुद्ध रविचंदरने संगीत दिले आहे.