Lockup 2 Winner : 'लॉक अप २' च्या ट्रॉफीवर कोणी कोरलं नाव? जिंकले तब्बल 'इतक्या' कोटींचे बक्षीस

लोकप्रिय रिॲलिटी शो 'लॉक अप २' चा काल (५ ऑगस्ट) ला ग्रँड फिनाले पार पडला. या शोची सोशल मीडियावर तुफान क्रेझ पाहायला मिळाली. यंदा 'लॉक अप २'चे होस्टिंग रितेश देशमुख आणि फराह खान यांनी केले. शोमध्ये रोज एक नवीन ड्रामा पाहायला मिळाला.

'लॉक अप २' ची विजेता सोशल मिडिया इन्फ्लुएन्सर श्रेया कालरा ठरली आहे. तिने विजेतेपदाचा मान पटकावला आहे. त्यामुळे तिच्या चाहत्यांमध्ये आनंदाचे वातावरण पाहायला मिळत आहे. श्रेया कालराला 'लॉक अप २' च्या चकचकीत ट्रॉफीसोबत तब्बल १ कोटी रुपयांचे बक्षीस मिळाले आहे. सोशल मिडियाच्या माध्यमातून चाहते आणि कलाकार मंडळी श्रेया कालरावर शुभेच्छांचा वर्षाव करत आहेत.

'लॉक अप २' ची प्रथम उपविजेती टिव्हीची प्रसिद्ध अभिनेत्री शिवांगी जोशी ठरली. शोच्या टॉप ५ फायनलिस्टची नावे पुढीलप्रमाणे - श्रेया कालरा, शिवांगी जोशी, शिल्पा शिंदे, योगेश रावत आणि राम कपूर होय. 2022 मध्ये झालेल्या 'लॉक अप'चा विजेता मुनव्वर फारूकी ठरला होता.

श्रेया कालरा कोण?

श्रेया कालरा ही प्रसिद्ध सोशल मिडिया इन्फ्लुएन्सर , अभिनेत्री, मॉडेल आणि रिॲलिटी टीव्ही स्टार आहे. ती पहिल्यांदा TikTok वर प्रसिद्ध झाली त्यानंतर ॲपवर भारतात बंदी घातल्यानंतर, तिने Instagram आणि YouTube वर मजबूत फॉलोअर्स तयार करून एक नवीन ओळख बनवली.