krrish 4 : प्रियांका अन् कंगनाला बाजूला सारून 'क्रिश ४'मध्ये 'या' अभिनेत्रीची वर्णी? स्वतः दिली हिंट

नवीन वर्षात अनेक मोठे चित्रपट प्रेक्षकांच्या भेटीला येणार आहे. यांसाठी चाहते देखील खूप उत्सुक आहेत. खूप काळापासून सर्वत्र सोशल मीडियावर 'क्रिश 4' (krrish 4) चित्रपटाची चर्चा रंगली आहे. या चित्रपटात अभिनेता हृतिक रोशनसोबत कोण स्क्रीन शेअर करणार याकडे प्रेक्षकांचे लक्ष लागून आहे. आता यासंबंधी एक खास अपडेट समोर आली आहे.

'क्रिश'ची सिरीज चाहत्यांना खूप आवडली. 'क्रिश 4'ची घोषणा झाल्यापासून चाहते चित्रपटासाठी उत्सुक आहेत. चित्रपटाच्या कथेकडे प्रेक्षकांचे लक्ष लागून आहे. 'क्रिश 4'मध्ये हृतिक रोशन (Hrithik Roshan) क्रिशची भूमिका साकारेल. मात्र प्रेक्षक अभिनेत्री कोण? हे जाणून घेण्यास आतुर आहेत. 'क्रिश 4'मध्ये अभिनेत्री म्हणून खूप काळापासून बॉलिवूडच्या एका अभिनेत्रीचे नाव चर्चेत आहे.

बॉलिवूडची ही अभिनेत्री दुसरी तिसरी कोणी नसून श्रद्धा कपूर (Shraddha Kapoor) आहे. आता तर स्वतः श्रद्धा कपूरने यासंबंधी एक हिंट चाहत्यांना दिली आहे. श्रद्धाने एका मुलाखतीत सांगितले की, नवीन वर्षात जानेवारी महिन्यात श्रद्धा कपूरचा नवीन चित्रपट येणार आहे. यावर नेटकऱ्यांनी तो 'क्रिश 4' असल्याचा अंदाज वर्तवला आहे. तर दुसरीकडे एका मुलाखतीत राकेश रोशन यांनी 'क्रिश 4' जानेवारी 2025 मध्ये येणार असल्याचे सांगितले होते. मात्र अद्यापही कोणती अधिकृत घोषणा झाली नाही.

बॉलिवूड अभिनेता हृतिक रोशनने आपल्या अभिनयाने प्रेक्षकांच्या मनावर राज्य केले आहे. हृतिक रोशन अभिनयासोबतच एक उत्तम डान्सर देखील आहे. आजवर 'क्रिश'चे तीन भाग झाले आहेत. या तिन्ही भागांमध्ये क्रिशची भूमिका हृतिक रोशन यांनी साकारली आहे. त्यांनी त्यात सुपरहीरो बनून चाहत्यांचे भन्नाट मनोरंजन केले आहे. आता 2025 मध्ये हृतिक रोशनचा 'क्रिश 4' हा चित्रपट भेटीला येणार आहे.

अलिकडेच श्रद्धा कपूर 'स्त्री2' चित्रपटातून प्रेक्षकांच्या भेटीला आली होती. 'क्रिश' चित्रपट 2006ला प्रेक्षकांच्या भेटीला आला होता. यात बॉलिवूड अभिनेत्री प्रियांका चोप्रा पाहायला मिळाली होती. तर 'क्रिश 3'मध्ये प्रियंकासोबत अभिनेत्री कंगना राणौत झळकली होती. हे चित्रपट देखील बॉक्स ऑफिसवर सुपरहिट ठरले होते. आता चाहत्यांना 'क्रिश 4'ची उत्सुकता लागली आहे.