Tumbbad Unknown Facts : 'तुंबाड' मधील 'ती' भयानक आजी कोण? अभिनेत्री नव्हे तर चित्रपटातील 'या' अभिनेत्याने साकारली भूमिका

'तुंबाड' (Tumbbad) चित्रपटाच्या रि-रिलीजने देखील भरपूर कमाई केली आहे. हा चित्रपट प्रेक्षकांच्या भलताच पसंतीस उतरला आहे. हा चित्रपट तब्बल 6 वर्षांनंतर पुन्हा प्रदर्शित करण्यात आला. या चित्रपटाला आधीपेक्षा जास्त प्रेम मिळाले. हा भय चित्रपट पाहताना अंगावर शहारा येतो. या चित्रपटात वर्षानुवर्षे तुरुंगवास भोगलेल्या एका शापित आजीचे चित्रण करण्यात आले आहे. ही भूमिकेमागचा खरा चेहरा आज जाणून घेऊयात.

तुंबाड या चित्रपटाची कथा हस्तर नावाच्या राक्षसाभोवती फिरते. त्याला त्याचे शापित पैसे मिळवायचे असतात. या चित्रपटात सोहम शाहने मुख्य भूमिकेत दिसत आहे. तर मोहम्मद समदने त्याचा मुलाची भूमिका साकारली आहे. तुंबाड चित्रपटातील आजीची भयानक भूमिका होती. झोप जा, नाहीतर हस्तर येईल' असे म्हणतं ती घरच्यांना वारंवार घाबरवत असते.

चित्रपटाच्या सुरुवातीला नखांनी झाकलेला तिचा चेहरा दाखवला जातो तेव्हा ती भुतापेक्षा कमी दिसत नाही. मीडिया रिपोर्टनुसार, ही भूमिका 12 वर्षाच्या मुलाने केली आहे. 12 वर्षाच्या मुलांने 500 किलोचा आजीचा लूक केला होता. मात्र तो लूक पुढे रिजेक्ट करण्यात आला. या चित्रपटात सोहम शाहच्या मुलाची भूमिका साकारणाऱ्या मोहम्मद समदने (Mohammad Samad) आजीची भूमिकाही साकारली होती. चित्रपटात दिसणारा लूक प्रोस्थेटिक मेक-अपच्या मदतीने करण्यात आला होता. या चित्रपटात मोहम्मद समदने दुहेरी भूमिका साकारल्या आहेत.

'तुंबाड' चित्रपटाच्या रि-रिलीजच्या दिवशीच 'तुंबाड २'ची घोषणा करण्यात आली आहे. यामुळे प्रेक्षकांना आनंद झाला आहे. चाहते या चित्रपटाची आतुरतेने वाट पाहत आहेत.