Sai Godbole : कौतुकास्पद! मराठी अभिनेत्रीच्या मुलीची भरारी, थेट Appleची ब्रँड अँबॅसेडर झाली

मराठी अभिनेत्री किशोरी गोडबोलेने (Kishori Godbole) मनोरंजन सृष्टीत आपली स्वतःची एक वेगळी ओळख निर्माण केली आहे. तिने आपल्या अभिनयाने प्रेक्षकांच्या मनावर राज्य केलं आहे. किशोरी अनेक मालिका, नाटक आणि चित्रपटातून प्रेक्षकांच्या भेटीला आली आहे. ही महाराष्ट्रातील लोकप्रिय अभिनेत्री आहे.

आता किशोरी गोडबोले आपल्या मुलीमुळे चर्चेत आली आहे. तिच्या मुलीने म्हणजे सई गोडबोलेने आईची मान उंचावली आहे. सई (Sai Godbole) 'अ‍ॅपल'ची ब्रँड अँबॅसेडर झाली आहे. किशोरी हिने सोशल मीडियावर पोस्टकरून ही आनंदाची बातमी शेअर केली आहे. तसेच तिने आपल्या मुलीचे खूप कौतुक करत एक छान कॅप्शन देखील लिहिली आहे. तिने कॅप्शनमध्ये लिहिलं की, "सई माझी मुलगी 'अ‍ॅपल'ची ब्रँड अँबॅसेडर (Brand Ambassador Of Apple) झाली आहे. गेल्या आठवड्यात अ‍ॅपलने लॉस एंजेलिस येथे कार्यक्रम आयोजित केला होता. माझ्या मुलीने मिळवलेला हा एक मोठा सन्मान आहे. आपली प्रतिभाच आपल्याला समाजात मोठे स्थान मिळवून देऊ शकते हे पुन्हा एकदा सिद्ध झाले आहे. खूप मोठा हो!मला तुझा अभिमान आहे."

किशोरी गोडबोलेच्या या पोस्टवर अनेक चाहत्यांकडून तसेच कलाकारांकडून कौतुकाचा वर्षाव होत आहे. एक स्टार स्टारकिड असूनही सईने स्वतःच्या हिंमतीवर एवढे मोठे यश मिळवले आहे. सई ही सोशल मीडियावर खूप सक्रिय असते. ती एक उत्तम अभिनेत्री, डान्सर आणि गायिका आहे. तसेच ती अनेक ब्रँडसोबत देखील काम करते.