Film Producer Arrested: प्रसिद्ध चित्रपट निर्मात्याला २ वर्षांची कोठडी; फसवणूक प्रकरणात कोर्टाचा मोठा निकाल

Film Producer in Jail: कोची येथील न्यायालयाने केरळ चित्रपट निर्माते जॉबी जॉर्जला फसवणुकीच्या दोन गुन्ह्यांमध्ये दोन वर्षांची शिक्षा सुनावली आहे. अतिरिक्त सत्र न्यायालयाचे न्यायाधीश सबरीनाथन पी. यांनी जॉबी जॉर्ज (४९)ला परदेशात नोकरी आणि व्यवसायाची संधी देण्याच्या फसवणुकीच्या दोन गुन्ह्यांमध्ये दोषी ठरवले आहे.

निर्मात्याची पत्नी आणि आई निर्दोष मुक्त

शनिवारी न्यायालयाने निर्माते जॉबी जॉर्जची आई अॅलिस जॉर्ज आणि पत्नी सुनीमोल यांना दोन्ही प्रकरणांमध्ये निर्दोष मुक्त केले. जॉर्ज हा 'किष्किंधा कंदम', 'कावल' आणि 'शायलॉक' यासह अनेक मल्याळम चित्रपटांचा निर्माता असून या प्रकरणात आरोपी असल्याचे कोर्टाला आढळले.

काम देण्याचे आश्वासन देऊन लाखो रुपयांची फसवणूक

जॉबी जॉर्ज हा बिजू वर्गीस आणि डार्ली बिजू या कपलची १०० कोटी रुपयांची फसवणूक केल्याबद्दल दोषी आढळला आहे. निर्मात्याने त्यांना लंडनमध्ये व्यवसाय सुरू करण्यास मदत करण्याचे, भागीदारी आधारावर न्यूकॅसलमध्ये परवाना नसलेले दुकान उघडण्याचे आणि यूकेच्या एका महाविद्यालयात प्रवेश देण्याचे आश्वासन दिले. २०१० मध्ये त्याने या कपलकडून १७.७५ लाख रुपये घेतले होते. मुलांथुरुथी पोलिसांनी सुरुवातीला २०१२ मध्ये गुन्हा दाखल केला होता. जो नंतर २०१३ मध्ये गुन्हे शाखेकडे सोपवण्यात आला. न्यायालयाने अखेर जॉबी जॉर्जला दोन वर्षांची शिक्षा आणि १६.५२ लाख रुपयांचा दंड ठोठावला आहे.

दुसऱ्या प्रकरणात शिक्षा

न्यायालयाने निर्मात्याला आणखी एका फसवणुकीच्या प्रकरणातही दोषी ठरवले आहे. हा खटला २०११ ते २०१२ दरम्यान घडला. निर्मात्याने राजेश मॅथ्यू नावाच्या व्यक्तीला युकेला कामगार व्हिसा देण्याचे आश्वासन देऊन ५० लाख रुपयांची फसवणूक केली. हा खटला २०१२ मध्ये मुवट्टुपुझा पोलिसांनी नोंदवला होता. या प्रकरणातही न्यायालयाने निर्मात्याला दोन वर्षांची शिक्षा आणि ५० लाख रुपयांचा दंड ठोठावला. नंतर, न्यायालयाने निर्मात्याला उच्च न्यायालयात अपील करण्याची परवानगी दिली आणि शिक्षेत एक महिन्यासाठी स्थगिती दिली.