Kartik Aaryan: कार्तिक आर्यनने केले अक्षय कुमारला रिप्लेस; 'या' आयकॉनिक चित्रपटाच्या सिक्वेलमध्ये झळकणार कार्तिक

Hera Pheri 3 Update: हेरा फेरी आणि फिर हेरा फेरी या विनोदी चित्रपटांनी प्रेक्षकांचे खूप मनोरंजन केले आहे. हे दोन्ही चित्रपट पाहण्यासाठी आजही प्रेक्षक उत्सुक असतात. या चित्रपटातील तीन पात्र श्याम, बाबुराव आणि राजू यांना पुन्हा एकत्र पाहण्यासाठी प्रेक्षक आतुर आहेत. प्रेक्षकांची ही इच्छा लवकरच पूर्ण होणार आहे. हेरा फेरी चित्रपटाचा तिसरा भाग लवकरच प्रेक्षकांच्या भेटीला येणार आहे. परंतु या आगामी चित्रपटामध्ये अक्षय कुमार राजुची भूमिका करणार नसल्याचे सांगण्यात येत आहे.

फिरोज नाडियाडवाला यांचा तीन विनोदी चित्रपटांचा अक्षय कुमार मुख्य भाग आहे. हेरा फेरी, आवरा पागल दिवाना आणि वेलकम या चित्रपटांच्या नवीन भाग बनवताना नेहमीच अक्षय कुमार प्रथम प्राधान्य राहिला आहे. परंतु यावेळी मात्र अक्षय कुमारने हेरा फेरी या चित्रपाटाच्या तिसऱ्या भागात काम करण्यास स्पष्ट नकार दिला आहे. अक्षयला चित्रपटाची स्क्रिप्ट आवडली नसल्याने तो चित्रपटात काम करण्यास तयार होत नाहीये, असे एक वृत्तसंस्थेने दिलेल्या माहिती समोर आले आहे. (Akshay Kumar)

अक्षय कुमार चित्रपटात नसल्यास त्याच्याऐवजी चित्रपटामध्ये कोण काम करणार याची चर्चा सुरू होती. परंतु दिग्गज अभिनेते परेश रावल यांनी दिलेल्या उत्तराने हे स्पष्ट झाले आहे की, कार्तिक आर्यन अक्षय कुमारची जागा घेणार आहे. परेश रावल यांना एका चाहत्याने ट्विटरवर विचारले होते की, 'हेरा फेरी 3'मध्ये कार्तिक आर्यन काम करणार असल्याची बातमी खरी आहे का? त्यावर परेश रावल यांनी ही बातमी 'एकदम खरी' असल्याचे म्हटले आहे. परंतु निर्माते आणि कार्तिक आर्यन यांच्याकडून कोणतीच अधिकृत माहिती समजलेली नाही. (Actors)

कार्तिक आर्यनने या आधीही अक्षय कुमारच्या भूल भुलय्या चित्रपटाच्या सिक्वेलमध्ये काम केले आहे. त्याचा हा चित्रपट खूप हिट ठरला. 'रूह बाबा' हे भूल भुलय्या चित्रपटातील कार्तिकचे पात्र प्रेक्षकांना खूप आवडले होते. त्यामुळे कदाचित 'हेरा फेरी 3'मध्ये सुद्धा अक्षय कुमार ऐवजी कार्तिकचा विचार करण्यात येत आहे. (Comedy)

कार्तिक आर्यन सध्या त्याच्या फ्रेडी चित्रपटामुळे चर्चेत आहे. 'कॅप्टन इंडिया', 'सत्य प्रेम की कथा' आणि 'आशिकी 3' या चित्रपटांमध्येही कार्तिक दिसणार आहे.