Actor Nithin Gopi Passes Away Due To A Heart Attack: कन्नड टेलिव्हिजनसृष्टीतून एक दु:खद बातमी समोर येत आहे. अभिनेते नितीन गोपी यांचे शुक्रवारी सकाळी वयाच्या ३९ व्या वर्षी हृदयविकाराच्या झटक्याने निधन झाले. मीडिया रिपोर्ट्सनुसार, नितीनला त्याच्या राहत्या घरीच हृदयविकारचा तीव्र झटका आला होता. अचानक अभिनेत्याला बेंगळुरू येथील घरी असताना छातीत दुखू लागल्याने त्यांना तातडीने रुग्णालयात दाखल करण्यात आले. पण उपचारादरम्यानच त्यांची प्राणज्योत मालवली. (Tollywood)
नितीन गोपीचे घर बंगळुरूच्या इट्टामाडू येथे आहे. २ जून २०२३ रोजी त्यांची प्रकृती उत्तम होती. मात्र अचानक त्यांच्या छातीत दुखायला लागले. लगेचच नातेवाईकांनी अभिनेत्याला रूग्णालयात तात्काळ हलवले. पण उपचारादरम्यान अभिनेत्याने अखेरचा श्वास घेतला आहे. नितीन यांच्या अचानक एक्झिटने चाहत्यांसह दाक्षिणात्य चित्रपटसृष्टीला दु:ख झाले आहे. (Entertainment News)
नितीन गोपी यांनी कन्नड इंडस्ट्रीत आपली खास ओळख निर्माण केली आहे. तो केवळ टीव्हीच नाही तर चित्रपटांमध्येही उत्तम काम करत आहे. 'हॅलो डॅडी'मधून त्याला इंडस्ट्रीत प्रसिद्धी मिळाली. (Bollywood Actor)
याशिवाय नितीनने 'केरला केसरी', 'मुथिनंथा हेंदती', 'निशब्द' आणि 'चिरबंधव्या' यांसारख्या चित्रपटांमध्येही काम केले होते. अवघ्या 39 वर्षातच अभिनेत्याने आपले स्थान चित्रपटसृष्टीत निर्माण केले आहे. पण अभिनेत्याच्या अचानक एक्झिटने दाक्षिणात्य इंडस्ट्रितील स्टार हिरावला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.