Zinda Banda Song Out: भव्य सेट, अफलातून हूक स्टेप, जवानमधलं पहिलं ‘झिंदा बंदा’ गाणं प्रेक्षकांच्या भेटीला

Zinda Banda Song Release: बॉलिवूड अभिनेता शाहरूख खान प्रमुख भूमिकेत असलेल्या ‘जवान’ची सध्या सोशल मीडियावर बरीच चर्चा सुरू आहे. येत्या सप्टेंबर महिन्यात हा चित्रपट प्रदर्शित होणार असून प्रेक्षकांची चित्रपटाबद्दलची उत्सुकता शिगेला पोहोचली आहे. नुकतंच सोशल मीडियावर या चित्रपटातील पहिलं गाणं प्रदर्शित झालं आहे. ‘जवान’मधील प्रदर्शित झालेल्या गाण्याचे नाव ‘झिंदा बंदा’ असं आहे.

प्रदर्शित झालेल्या गाण्यात प्रेक्षकांना शाहरूखचा रॉकिंग अंदाज पाहायला मिळत आहे. अवघ्या काही वेळातच चित्रपटातील पहिल्याच गाण्याला प्रेक्षकांकडून चांगला प्रतिसाद मिळत आहे. गाण्याबद्दल बोलायचे तर, गाण्याच्या सुरूवातीलाच शाहरूख एका घोळक्यातुन एका खास अंदाजात डान्स करताना दिसत आहे. गाण्यामध्ये शाहरूखने लाल रंगाचा शर्ट आणि जिन्स पॅंट परिधान केलेली दिसत आहे.

शाहरूखच्या मागे अनेक डान्सर डान्स करताना दिसत असून शाहरूखच्या जिंदा बंदा या गाण्यातील हूक स्टेप्सने चाहत्यांचे लक्ष वेधले. शाहरूखच्या या जबरदस्त डान्स स्टेपने गाण्याला चार चाँद लावले आहेत.

जिंदा बंदा या गाण्यात शाहरूखच्या मागे १००० हून अधिक डान्सर्स मुली डान्स करताना दिसत आहेत. या डान्सर्स मुली चेन्नई, हैदराबाद, बंगलोर, मदुराई, मुंबईसह भारतातील वेगवेगळ्या शहरातील या मुली असून हे गाणं तब्बल पाच दिवसातच शूट करण्यात आलं आहे. हे गाणं अनिरूद्धने आपल्या आवाजात संगीतबद्ध केलंय. शाहरुखसोबत प्रियामणी, सान्या मल्होत्रा ​​आणि जवान मधील इतर अभिनेत्री देखील आहेत.