Jaat Box Office Collection : सनी देओलचा 'जाट' चित्रपट फ्लॉप की हिट? दुसऱ्या दिवशी केली ‘इतक्या’ कोटींची कमाई

'जाट' (Jaat ) हा ॲक्शन चित्रपट नुकताच प्रेक्षकांच्या भेटीला आला आहे. चित्रपटाचा ट्रेलर आणि पोस्टर पाहून प्रेक्षकांची उत्सुकता शिगेला पोहचली आहे. 'जाट'मध्ये बॉलिवूडचे दोन सुपरस्टार आमनेसामने पाहायला मिळणार आहे. चित्रपटात मुख्य भूमिकेत सनी देओल झळकला आहे. तर खलनायकाच्या भूमिकेत रणदीप हुड्डा दिसत आहे. 'जाट' चित्रपटाने रिलीजच्या दोन दिवसात किती कोटींची कामाई केली जाणून घेऊयात.

'जाट' बॉक्स ऑफिस कलेक्शन दिवस 2

'जाट' चित्रपट रिलीज होऊन फक्त दोन दिवस झाले आहेत. दोन दिवसात या चित्रपटाने बंपर कमाई केली आहे. 'जाट' 10 एप्रिलला प्रेक्षकांच्या भेटीला आला आहे. मीडिया रिपोर्टनुसार, सनी देओल आणि रणदीप हुड्डाच्या 'जाट' चित्रपटाने पहिल्या दिवशी 9.62 कोटींची कमाई केली आहे. तर दुसऱ्या दिवशी 7 कोटी रुपये कमावले आहे. पहिल्या दिवसाच्या तुलनेत 'जाट' च्या दुसऱ्या दिवशीच्या कलेक्शनमध्ये घसरण झालेली पाहायला मिळत आहे. दोन दिवसांत 'जाट' चित्रपटने 16.5 कोटी कमावले आहेत.

'जाट' चित्रपटात रणदीप हुड्डा 'रणतुंगा' या भूमिकेत दिसत आहे. चित्रपटात सनी देओल , रणदीप हुड्डासोबत विनीत कुमार सिंह, सैयामी खेर आणि रेजिना कॅसेंड्रा यांनी महत्त्वाच्या भूमिका साकारल्या आहेत. 'गदर २'नंतर सनी देओलने 'जाट'मधून एन्ट्री मारली आहे. जाट' चित्रपटातील डायलॉगला चाहत्यांकडून खूप पसंती मिळत आहे.

"ये ढाई किलो की हात की ताकद पूरा नॉर्थ देख चुका है अब साऊथ देखेगा" हा चित्रपटातील डायलॉग खूप प्रसिद्ध झाला आहे. 'जाट' चित्रपटात मराठी प्रसिद्ध अभिनेता उपेंद्र लिमये देखील आहे. 'जाट' चित्रपटाचे दिग्दर्शन गोपीचंद मालीनेनी यांनी केले आहे.