Ishita Dutta-Vatsal Sheth Baby Boy : इशिता दत्ताला रुग्णालयातून डिस्चार्ज; पती वत्सल आणि बाळासोबत झाली स्पॉट

Ishita Dutta And Vatsal Seth Bring Their Baby Home : 'दृश्यम' फेम अभिनेत्री इशिता दत्ता आणि वत्सल शेठ आई-बाबा झाले. इशिता दत्ताने १९ जुलैला एका गोंडस मुलाला जन्म दिला. इशिताने काही महिन्यांपूर्वी आई होणार असल्याची बातमी चाहत्यांसोबत शेअर केली होती.तर आता इशिता आणि वत्सल बाळाला घेऊन हॉस्पिटबाहेर स्पॉट झाले.

इशिता आणि वत्सल नेहमी सोशल मीडियावर फोटो पोस्ट करत असतात.इशिताने डोहाळे जेवणाचे तसेच बेबी बंपचे फोटोही सोशल मीडियावर शेअर केले होते. इशिताच्या गरोदरपणाच्या फोटोंवर चाहत्यांनी मात्र कौतुकाचा वर्षाव केला आहे. आता हे दोघेही बाळाला घरी घेऊन जाताना स्पॉट झाले.

इशिता काही दिवसांपूर्वी हॉस्पिटमध्ये अॅडमिट झाली होती. बुधवारी इशिताने बाळाला जन्म दिला. बाळाच्या जन्मानंतर बाळ आणि आई दोघेही सुखरुप आहेत अशी माहिती दिली होती. बाळ जन्मल्यानंतर लगेचच दोन दिवसांनी इशिताला हॉस्पिटलमधून डिस्चार्ज मिळाला आहे.

इशिता आणि वत्सल बाळाला घरी घेऊन जाताना दिसले. या वेळी त्यांना पापाराझीसमोर पोझही दिल्या. यादरम्यान वत्सल आणि इशिता दोघेही खूप आनंदी दिसत होते. इशिताने पर्पल रंगाचा ड्रेस घातला होता.तर वत्सलने हिरव्या आणि पर्पल रंगाचा शर्ट आणि जीन्स घातली होती. यावेळी वत्सलच्या हातात बाळ होते. बाळाचा चेहरा मात्र झाकलेला होता.वत्सल आणि इशिताच्या या व्हिडिओवर चाहत्यांनी लाईक्स आणि कमेंट्सचा वर्षाव केला आहे.

इशिता आणि वत्सल हे इंडस्ट्रीतील लोकप्रिय कपल आहे. गरोदरपणात इशिता नेहमी सोशल मीडियावर फोटो शेअर करताना दिसत होती. इशिताने तिच्या गरोदरपणाचा पुरेपुर आनंद घेत आहे. असे तिने स्वतः सांगितले.