Highest Paid Marathi Actors : तुम्हाला माहिती आहे का, मराठी चित्रपटातील सर्वात जास्त मानधन घेणारे टॉप 5 कलाकार कोण आहेत?

मराठी चित्रपटसृष्टीत सर्वाधिक मानधन घेणारे कलाकार कोण आहेत, हे जाणून घेण्याची उत्सुकता सर्वांनाच असते. जाणून घेऊया अशाच काही प्रमुख मराठी कलाकारांविषयी.

सुबोध भावे:

सध्या मराठी चित्रपटसृष्टीतील सर्वाधिक मानधन घेणारा अभिनेता आहे. ‘लोकमान्य’, ‘बालगंधर्व’, ‘काशीनाथ घाणेकर’ या चित्रपटांमुळे त्याची लोकप्रियता प्रचंड वाढली आहे. एका चित्रपटासाठी सुबोध अंदाजे पन्नास लाख रुपये मानधन घेतो.

स्वप्नील जोशी:

स्वप्नील जोशी हा मराठी चित्रपटसृष्टीतील एक सुपरस्टार आहे. ‘दुनियादारी’, ‘तू ही रे’, ‘मुंबई-पुणे-मुंबई’ या चित्रपटांमधून त्याने आपली ओळख निर्माण केली आहे. स्वप्नील एका चित्रपटासाठी अंदाजे चाळीस ते पन्नास लाख रुपये मानधन घेतो.

सिद्धार्थ चांदेकर:

मराठी इंडस्ट्रीमधील उभरता अभिनेता, सिद्धार्थ चांदेकर, 'गुलाबजाम', 'क्लासमेट', 'वजनदार' यांसारख्या चित्रपटांमध्ये काम करून प्रेक्षकांच्या मनात घर केलं आहे. सिद्धार्थदेखील चांगलं मानधन घेणाऱ्या अभिनेत्यांमध्ये आहे.

वैभव तत्ववादी:

वैभव मराठीसोबतच हिंदी चित्रपटसृष्टीतदेखील यशस्वी ठरलाय. ‘हंटर’, ‘बाजीराव मस्तानी’, ‘मणिकर्णिका’ यांसारख्या चित्रपटांमधील भूमिकांसाठी तो प्रसिद्ध आहे. त्यामुळे वैभव सर्वाधिक मानधन घेणाऱ्या कलाकारांमध्ये गणला जातो.

ललित प्रभाकर:

'जुळूनी येती रेशीमगाठी' या मालिकेतून ललितने आपल्या करियरला सुरुवात केली. 'चि. वा. चि. सौ. कां', 'हम्पी', 'आनंदी गोपाळ' या चित्रपटांमध्ये त्याने लक्षवेधी कामगिरी केली आहे. त्यामुळे ललितही चांगले मानधन घेणाऱ्या अभिनेत्यांच्या यादीत आहे.

हे कलाकार आपल्या अभिनयाच्या जोरावर मराठी चित्रपटसृष्टीत प्रचंड लोकप्रिय झाले आहेत आणि त्यांचं मानधनही तितकंच मोठं आहे.