Bhavika Sharma Dream Car: स्वप्नपूर्ती! 'गुम है किसी के प्यार मै' फेम भाविका शर्माने खरेदी केली आलिशान कार, किंमत वाचून व्हाल चकीत

छोट्या पडद्यावरील 'गुम है किसी के प्यार मै' हा शो चांगलाच लोकप्रिय आहे. या शोमधील कलाकारांना प्रेक्षकांची पसंती आहे. या शोमधील अभिनेत्री भाविका शर्मा प्रेक्षकांची लाडकी आहे. भाविका सोशल मीडियावर कमालीची सक्रिय असते. नुकतेच भाविकाने तिच्या चाहत्यांना गुड न्यूज दिली आहे.

'गुम है किसी के प्यार मै' या शोमधील अभिनेत्री भाविका शर्माने नवीन कार खरेदी केली आहे. सोशल मीडियाच्या माध्यमातून तिने ही माहिती दिली आहे. भाविकाने तिच्या अधिकृत इन्स्टाग्रामवर एक पोस्ट शेअर केली आहे. या पोस्टमध्ये भाविकाने तिच्या नवीन कारचे फोटो पोस्ट केले आहेत. भाविकाने BMW कार खरेदी केली आहे.

भाविकाने नवीकोरी BMW कारसोबतचे तिचे फोटो पोस्ट केले आहेत. पिंक कलरच्या आऊटफिटमध्ये भाविका नवीन कारसोबत खूपच क्यूट दिसतेय. व्हिडीओ पोस्ट करत भाविकाने, स्वप्न पूर्ण झालं असं म्हटलं आहे. भाविकाचं गाडी घेण्याचं स्वप्न पूर्ण झालं आहे. भाविकाने BMW 3 सीरीजची ग्रँड लिमोझिन घेतली आहे. माहितीनुसार, या कारची किंमत 75 लाख आहे. सोशल मीडियावर भाविकाच्या पोस्टवर तिच्या चाहते अभिनंदन करत आहेत.

भाविकाच्या कामाबद्दल सांगायचे तर, भाविकाने 2015 मध्ये परवरिश - सीझन 2 या शोमधून मनोरंजन मनोरंजनविश्वात पदार्पण केले. या शोमध्ये भाविका रिया गुप्ताच्या भूमिकेत दिसली. यानंतर 2017 मध्ये जीजी माँ या शोमध्ये दिसली.आता भाविका 'गुम है किसी प्यार में' या शोमध्ये सवी चव्हाणच्या मुख्य भूमिकेत आहे.