Genelia : "मी ती बायको नाही जी...", रितेश देशमुखच्या Raid 2च्या ट्रेलरवर जिनिलीयाची खास प्रतिक्रिया

सध्या रितेश देशमुख त्याच्या आगामी चित्रपट 'रेड 2'मुळे ( Raid 2 Trailer ) चांगलाच चर्चेत आहे. 'रेड 2'मध्ये रितेश देशमुख खलनायकाच्या भूमिकेत पाहायला मिळणार आहे. कालच (8 एप्रिल) ला 'रेड 2' चा धमाकेदार ट्रेलर लाँच झाला. चित्रपटात मुख्य भूमिकेत अजय देवगण पाहायला मिळणार आहे.

'रेड 2'च्या ट्रेलर पाहून रितेश देशमुखची (Riteish Deshmukh) बायको जिनिलीया (Genelia ) देशमुखने भन्नाट प्रतिक्रिया दिली आहे. तिच्या प्रतिक्रियेने सर्वांचे लक्ष वेधून घेतले आहे. जिनिलीयाने इन्स्टाग्राम ट्रेलरची स्टोरी पोस्ट केली आहे. त्या स्टोरीमध्ये जिनिलीयाने लिहिलं की, "हे मिस करता येणार नाही आणि मी वचन देते...मी ती बायको होणार नाही जी पक्षपात करते. अजय देवगण, वाणी कपूर, रितेश देशमुख आणि संपूर्ण टीमला शुभेच्छा".

'रेड 2'मध्ये अजय देवगण आणि रितेश देशमुख एकमेकांच्या विरोधात पाहायला मिळणार आहे. 'रेड 2' चित्रपटात रितेश देशमुख दादाभाईच्या भूमिकेत आहे. तर अजय देवगण आयकर विभाग अधिकाऱ्याच्या भूमिकेत झळकणार आहे. अजय आणि रितेश सोबतच या चित्रपटात वाणी कपूर, सौरभ शुक्ला हे कलाकारही पाहायला मिळणार आहेत. सात वर्षांनी 'रेड 2' प्रेक्षकांच्या भेटीला येणार आहे. 'रेड 2' चित्रपटाचे दिग्दर्शन राज गुप्ता यांनी केले आहे.

'रेड 2' चा ट्रेलरमध्ये पाहायला मिळते की, दादाभाईच्या घरी अमेय पटनायक रेड मारायला येतो. आता ही रेड किती यशस्वी होणार हे पाहणे मनोरंजक ठरणार आहे. 'रेड 2' हा ॲक्शन चित्रपट आहे.अमेय पटनायक त्याची 75वी रेड दादाभाईच्या घरी टाकणार आहे. 'रेड' 2018 ला प्रदर्शित झाला होता. 'रेड' चित्रपट सुपरहिट ठरला होता.