Gautami Patil : "पावसाच्या थेंबापेक्षा तुझा ग्लो लय भारी..."; गौतमी पाटीलला पावसात नाचताना पाहून चाहत्याचे भान हरपले |VIDEO

महाराष्ट्रात सर्वत्र मुसळधार पाऊस पाहायला मिळत आहे. अनेकजण पावसाचा आनंद घेताना दिसत आहे. अशात लावणी क्वीन गौतमी पाटीलने एक सुंदर डान्स रील शेअर केली आहे. जी पाहून चाहत्यांची विकेट पडली. गौतमी पाटील डोंगरमाथ्यावर पावसाचा मनमुराद आनंद घेताना दिसत आहे.सुंदर केशरी रंगाचा ड्रेस, मोकळे केस , कपाळावर बिंदी आणि चेहऱ्यावर क्यूट स्माइल गौतमीचा हा लूक चाहत्यांना वेड लावतोय. व्हिडीओत हिरवागार निसर्ग, धुक्याने वेढलेले डोंगर आणि पावसाच्या सरी पाहायला मिळत आहे.

गौतमी पाटीलने 'चिंब भिजलेले' या मराठी गाण्यावर सुंदर डान्स केला आहे. हे एक मराठी रोमँटिक गाणे आहे. हे गाणे २००७ मध्ये रिलीज झालेल्या 'बंध प्रेमाचे' या मराठी चित्रपटातील आहे. या गाण्याला अजय-अतुल यांनी संगीतबद्ध केले असून शंकर महादेवन आणि प्रीती कामत यांनी हे गाणे गायले आहे. तसेच हे गाणे प्रवीण दवणे यांनी लिहिलेले आहे.

चाहत्यांच्या कमेंट्स

गौतमी पाटीलच्या या सुंदर डान्स रीलवरल नेटकरी भरभरून कमेंट्स करत आहे. एका युजरने लिहिलं की, "पावसाच्या थेंबांपेक्षा तुझा ग्लो लय भारी वाटतोय..." दुसऱ्या युजरने लिहिलं की, "लग्न करता का ओ माझ्यासोबत?" तिसऱ्या युजरने लिहिलं की, "तुमची स्माईल एक नंबर आहे..." आणखी एका नेटकऱ्याने लिहिलं की, " किती क्यूट आहेस तू..." चाहते हार्ट इमोजीचा वर्षाव करत आहेत.

करिअर

गौतमी पाटील मराठी मनोरंजन विश्वातील प्रसिद्ध चेहरा आहे. नुकतेच तिचे 'हिल हिल पोरी हिला…' हे गाणे रिलीज झाले असून ते सोशल मीडियावर तुफान गाजतेय. या गाण्यात गौतमी पाटीलने कॉमेडी किंग आणि अभिनेते भाऊ कदम यांच्यासोबत भन्नाट डान्स केला आहे. आजवर तिने अनेक मालिका, चित्रपट आणि गाण्यांमध्ये काम केले आहे. साधा-भोळा स्वभाव, सुंदर नृत्य कौशल्य आणि सौंदर्यामुळे गौतमी पाटील प्रेक्षकांना आपलसं करते.