Famous Actress : एक्स बॉयफ्रेंडने थोबाडीत मारली, सिगारेटने चटकेही दिले; प्रसिद्ध अभिनेत्रीने सांगितली 'त्या' रात्रीची भयंकर घटना

टिव्हीची प्रसिद्ध अभिनेत्री निती टेलर सध्या 'प्राईम व्हिडिओ'च्या 'अलायन्स' (Alliance) या रिअ‍ॅलिटी शोमुळे चांगलीच चर्चेत आहे. या शोमध्ये तिने आपल्या वैयक्तिक आयुष्याबद्दल मोठा खुलासा केला आहे. नितीने एका हिंसक नात्यातून बाहेर पडण्याबाबतचा अनुभव सांगितला आहे.

हिंदुस्तान टाइम्सच्या वृत्तानुसार, 'अलायन्स' या शोमध्ये नितीने सांगितले की, तिचा एक्स बॉयफ्रेंड हिंसक प्रवृत्तीचा होता. तिने सांगितल्याप्रमाणे, तिच्या बॉयफ्रेंडने सिगारेटने तिच्या मांडीचा आतील भाग जाळला होता. शोमध्ये त्वचेवर उमटलेली ती खूण दाखवत निती म्हणाली, "माझ्या एक्स बॉयफ्रेंडने एकदा मला सिगारेटने जाळले होते. तो हिंसक आणि मानसिकदृष्ट्या अस्थिर होता. एकदा त्याच्या वाढदिवसाच्या रात्री तो अचानक हिंसक झाला. ती परिस्थिती खूप वाईट होती. त्याने मला थोबाडीत मारली आणि मी फक्त 'गुडबाय, भेटूया' असे म्हणून तिथून निघून आले. त्या वेळी मी खूप लहान होते. अशा वयात आपण भावनिकदृष्ट्या संवेदनशील असतो, त्यामुळे लोकांचे चारित्र्य योग्यरित्या ओळखण्यात आपली चूक होऊ शकते. तो मानसिकदृष्ट्या अस्थिर होता."

निती टेलर आणि परीक्षित बावा यांनी २०१९ मध्ये साखरपुडा केला आणि त्यानंतर २०२० मध्ये लग्नगाठ बांधली. २०२४-२०२५ मध्ये निती आणि परीक्षितच्या घटस्फोटाच्या अफवा पसरल्या होत्या. निती सोशल मीडियावर खूपच सक्रिय असते.

निती टेलर करिअर

निती टेलरने 'कैसी ये यारियां', 'गुलाम' , 'इश्कबाज' आणि 'बडे अच्छे लगते हैं २' यांसारख्या मालिकांमध्ये काम केले आहे. २००९ मधील 'प्यार का बंधन' या शोद्वारे अभिनेत्रीने टेलिव्हिजनवर पदार्पण केले. 'कैसी ये यारियां' या शोमुळे तिला खूप प्रसिद्धी मिळाली. तिने 'झलक दिखला जा १०'सारख्या रिअ‍ॅलिटी शोमध्येही सहभाग घेतला.