Shah Rukh Khan: चार वर्षानंतर मोठ्या पडद्यावर शाहरुख खान पुन्हा एकदा दमदार पदार्पण करणार आहे. 'पठान' चित्रपटातील बेशरम रंग हे गाणे प्रदर्शित झाल्या नंतर त्याला नेटकऱ्यांनी कमालीचे ट्रोल केले होते. सध्या शाहरुख सोशल मीडियावर जबरदस्त चर्चेत असून त्याने नुकतेच 'Ask SRK' हे सेशन घेतले होते. यात त्याला एका चाहत्याने 'तू 'पठान' चित्रपटासाठी किती मानधन घेतले?' असा सवाल विचारला होता. यावर त्याने जरा स्पष्टच उत्तर दिले.
नेहमीच शाहरुख खान सोशल मीडियावर सक्रिय असतो. त्याच्या प्रत्येक सोशल मीडियावरील पोस्टवर चाहते भरभरुन प्रतिसाद देत असतात. १० जानेवारीला चित्रपटाचा ट्रेलर प्रदर्शित झाल्यापासून शाहरुखवर सोशल मीडियावर बराच कौतूकाचा वर्षाव होत आहे.
'Ask SRK' या सेशनमध्ये शाहरुखला चाहत्यांनी विचारलेल्या प्रश्नांची त्याने उत्तरं दिली आहेत. त्याच्या चाहत्यांनी त्याला अनेक प्रकारचे प्रश्न विचारले होते. ज्यात एकाने विचारले की, “पठान चित्रपटासाठी किती मानधन घेतलेस?” यावर शाहरुखने कमलीचे उत्तर दिले आहेत.
शाहरुखला गाण्यावरुन जरी आधी ट्रोल केले असले तरी, ट्रेलरमधील अॅक्शन पाहून सर्वांनीच त्याच्यावर कौतूक केले आहे. शाहरुखला मिळालेल्या मानधनावरुन एका चाहत्याने प्रश्न विचारला होता. त्यावर शाहरुख म्हणतो “का? पुढील चित्रपटात घेणार आहेस का?” असा रिप्लाय त्याने दिला आहे.
ट्रेलर प्रदर्शित झाल्यापासून शाहरुख खान आता चित्रपटाच्या प्रमोशनसाठी विविध ठिकाणी फिरत आहे. मात्र चित्रपटाला याआधी बराच विरोध झाला होता. त्यातील गाणी आणि एकूणच तो चित्रपट बॉयकॉट करायची मागणी सोशल मीडियावर जोर धरू लागली आहे.
सिद्धार्थ आनंद दिग्दर्शित 'पठान' चित्रपटात शाहरुख सोबत मुख्य भूमिकेत दीपिका पदुकोण आणि जॉन अब्राहम आहे. हा चित्रपट येत्या २५ जानेवारीला प्रदर्शित होणार आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.