Famous Actor Death : तेजस्वी तारा काळाच्या पडद्याआड, प्रसिद्ध अभिनेत्याचे निधन; मनोरंजन विश्वावर शोककळा

सिनेसृष्टीतून दुःखद बातमी समोर आली आहे. 'Coronation Street' या ड्रामामध्ये 'डेव्हिड बार्लो' ही भूमिका साकारणारे दिग्गज अभिनेते ॲलन रॉथवेल (Alan Rothwell) यांचे निधन झाले आहे. अभिनेत्याने वयाच्या ८९ वर्षी अखेरचा श्वास घेतला आहे. ॲलन रॉथवेल हे मनोरंजन विश्वातील मोठे नाव आहे. त्यांच्या निधनाने मनोरंजन विश्वातील तेजस्वी तारा हरपला.

प्रेस असोसिएशनच्या वृत्तानुसार, अभिनेते ॲलन रॉथवेल यांचे निधन १४ मे रोजी अल्पशा आजाराने झाले. त्यांच्या कुटुंबीयांनी या बातमीला दुजोरा दिला आहे. अभिनेते रुग्णालयात दाखल दाखल होते. अभिनेत्याच्या निधनाने त्यांच्या कुटुंबावर दुःखाचा डोंगर कोसळला आहे. तसेच कलाकार मंडळी आणि चाहत्यांनी अभिनेत्यावर श्रद्धांजली वाहिली आहे. ॲलन रॉथवेल हे टिव्ही विश्वातील मोठे नाव आहे.

ॲलन रॉथवेल कोण?

मीडिया रिपोर्टनुसार, अभिनेते ॲलन रॉथवेल यांचा जन्म ९ फेब्रुवारी १९३७ रोजी इंग्लंडमधील लँकेशायर येथील ओल्डहॅम येथे झाला होता. 'Coronation Street' आणि 'The Archers' या ड्रामामुळे त्यांना विशेष प्रसिद्धी मिळाली. त्यानंतर त्यांनी इतर अनेक टीव्ही मालिका आणि चित्रपटांमध्ये काम केले. १९८० च्या दशकात, त्यांनी 'Brookside' या टीव्ही मालिकेतही काम केले होते, ज्यामध्ये त्यांनी 'निकोलस ब्लॅक' ही भूमिका साकारली होती. 'Picture Box' आणि 'Hickory House' हे त्यांच्या इतर काही लोकप्रिय कामांपैकी आहेत.