Disha Patani House Firing: दिशा पाटनीच्या घरावर फायरिंग करण्याआधी शूटर्स दिसले पेट्रोल पंपावर; CCTV व्हिडिओ व्हायरल
Disha Patani House Firing Case: बॉलिवूड अभिनेत्री दिशा पटानीच्या घरी झालेल्या गोळीबाराच्या घटनेत नवीन खुलासे समोर आले आहेत. पोलिस तपासात गोल्डी ब्रार आणि रोहित गोदारा टोळीचा या घटनेमागे हात असल्याचे उघड झाले आहे. ९ सप्टेंबर रोजी बरेलीतील एका पेट्रोल पंपावरील सीसीटीव्ही फुटेजमध्ये नकुल आणि विजय हे दोन शूटर एका बाईक आणि दोन शूटर एका बाईकवर असे दिसत आहेत. पोलिसांच्या माहितीनुसार, या शूटर्सनी ११ आणि १२ सप्टेंबर रोजी दिशा पटानीच्या घराची रेकी केली होती.
माहितीनुसार, बरेली पोहोचल्यानंतर एका शूटरची तब्येत बिघडल्यामुळे तो घरी परतला होता बाकीच्यांनी दुसऱ्या दिवशी २५ ते ३० राउंड गोळीबार दिशाच्या घरावर केला. रवींद्र हा शूटर होता, अरुण बाईक चालवत होता, तर नकुल आणि विजय देखील त्यांच्यासोबत होते. पोलिसांनी केलेल्या चकमकीत दोघे मारले गेले, तर दोघे अजूनही फरार आहेत. तपासात असे समोर आले आहे की शूटर्स सोशल मीडिया अॅप्सद्वारे परदेशातील गुंडांशी थेट संपर्कात होते.
बरेलीमध्ये मोहिमेची सुरुवात
पोलिसांच्या तपासानुसार, ११ सप्टेंबर रोजी पाच शूटर बरेलीमध्ये आले आणि पंजाब हॉटेलमध्ये राहिले. तथापि, या काळात एक शूटर आजारी पडला आणि परतला. उर्वरित चार जणांनी नियोजनानुसार पुढे जाण्याचा निर्णय घेतला. त्याच दिवशी, काळ्या स्प्लेंडर बाईक आणि पांढऱ्या अपाचे बाईकवरून चार शूटर दिशा पटानीच्या घराची रेकी केली. नकुल आणि विजय स्प्लेंडर बाईकवर होते, तर अरुण आणि रवींद्र अपाचे बाईकवर होते.
२५ ते ३० राउंड गोळीबार करण्यात आला
१२ सप्टेंबर रोजी दिशा पटानीच्या घरी हेच चार शूटर आले. पोलिसांच्या म्हणण्यानुसार, अरुण बाईक चालवत असताना रवींद्रनेच गोळीबार केला. हल्ल्यादरम्यान सुमारे २५ ते ३० राउंड गोळीबार करण्यात आला. गोळीबारानंतर, पोलिसांनी आजूबाजूच्या परिसरातील २००० हून अधिक सीसीटीव्ही फुटेज तपासले, या सीसीटिव्हीच्या आधारे पोलिसांना शूटरची ओळख पटली.
रवींद्रवर नऊ गुन्हेगारी गुन्हे दाखल
या प्रकरणात सहभागी असलेल्या चार शूटर्सपैकी दोघांचा मृत्यू झाला आहे. अरुण आणि रवींद्र हे पोलिस चकमकीत मारले गेले. दरम्यान, नकुल आणि विजय अजूनही फरार आहेत आणि त्यांचा शोध सुरू आहे. पोलिस रेकॉर्डनुसार रवींद्रवर नऊ गुन्हेगारी गुन्हे दाखल होते. अरुणच्या गुन्हेगारी रेकॉर्डची चौकशी केली जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.