Dhurandhar: 'धुरंधर'नं मोडली दक्षिणेची मक्तेदारी; बॉक्स ऑफिसवर 'धुरंधर'ची 400 कोटींची कमाई

Dhurandhar: 2025 चं वर्ष अखेर बॉलिवुडसाठी छप्पर फाड ठरल आहे. कारण डिसेंबर महिन्यात प्रदर्शित झालेल्या धुरंधरनं वर्षभरात बॉक्स ऑफीसवर रेकॉर्ड करणाऱ्या सगळ्यांनाच धुवून काढलंय. रणवीर सिंग, अक्षय खन्ना, आर. माधवन, संजय दत्त, अशा तगड्या कलाकारांची फौज असणारा धुरंधर सिनेमा बॉक्स ऑफिसवर कमाल करतोय.

आदित्य धर दिग्दर्शित हा सिनेमा कमाईच्या बाबतीत रोज नवे विक्रम रचतो आहे. देशभरात आत्तापर्यंत 400 कोटींचा आकडा पार केलाय. खास करुन अक्षय खन्नाने साकारलेलं रहमान डकैत हे पात्र चर्चेत आहे.

या सिनेमांचं 12 व्या दिवसाचं कलेक्शन दक्षिणेतील अल्लू अर्जुनच्या 'पुष्पा: द रुल - भाग 2'पेक्षाही जास्त आहे. याचवर्षी विकी कौशलच्या छावा सिनेमानेही सुमारे 800 कोटींची कमाई केली होती. 'कांतारा' या कन्नड सिनेमानेही देशभरातल्या प्रेक्षकांना भूरळ घातली होती.

त्यामुळे केवळ साऊथचेच सिनेमे हिट होतात हा दावा छावा आणि धुरंधरच्या यशानं खोटा ठरवलाय. सैय्यारानेही तरुणाईची मने जिंकत बॉक्स ऑफिसवर यश मिळवलं होतं. त्यामुळे बॉलिवुडने पुन्हा एकदा बॉक्स ऑफीसवरचा आपला दबदबा कायम ठेवलाय.