Sushant Shelar: 'दुनियादारी' गाजवणाऱ्या अभिनेत्याला ओळखणंही कठीण, तब्येत पाहून नेटकरी चिंतेत

धर्मवीर 2 चित्रपट नुकताच प्रदर्शित झाला आहे. या चित्रपटाच्या घोषणेपासून चित्रपटाची उत्सुकता चाहत्यांची वाढली होती. नुकताच चित्रपटाचा ग्रँड प्रिमियर झाला यावेळी अनेक सेलिब्रिटींनी उपस्थिती दर्शवली होती. यावेळी मराठमोळा अभिनेता सुशांत शेलार देखील आला होता. यावेळी त्यांच्या लूकने सर्वांचेच लक्ष वेधून घेतले.

धर्मवीर 2 या चित्रपटाची सध्या सर्वत्र उत्सुकता आहे. नुकताच रिलीज झालेल्या या चित्रपटाबाबत जाणून घेण्यासाठी प्रेक्षक दिसत आहेत. या चित्रपटाचे ट्रेलर, पोस्टर आणि ग्रँड प्रिमियरचे सर्व व्हिडीओ व्हायरल झाले आहेत. एका व्हिडीओमध्ये मराठमोळा अभिनेता सुशांत शेलार दिसत आहे. ज्याला पाहून नेटकऱ्यांना प्रश्न निर्माण झाले आहेत. सुशांत शेलार हा अंत्यत वेगळा दिसत आहे. त्यामुळे त्यांच्या तब्येतीला काही झालंय का अशी विचारणा चाहते करत आहेत.

दुनियादारी चित्रपटातून आपल्या हटके स्टाईलने आणि डायलॉगबाजीने प्रेक्षकांची मने जिंकणारा सुशांत शेलार. मात्र सध्या सुशांतचा बदलेला लूक पाहून चाहते त्यांच्यावर प्रश्न निर्माण करत आहेत. तर अनेकांनी त्यांची तब्येत ठीक नाही आहे का अश्या प्रतिक्रिया दिल्या आहे. सुशांत मागील काही दिवसांपासून मनोरंजनसृष्टीपासून दूर आहे.