Devmanus: उद्या रंगणार "देवमाणूस" माणूस होण्याची गोष्ट, नाटकाचा २५वा प्रयोग सादर होणार...

Devamanus Theater In Thaane: २६ डिसेंबर २०२२ रोजी मराठी रंगभूमीवर हे नाटक दाखल झाले. प्रथमच मराठी रंगभूमीवर आंतरराष्ट्रीय विषयावर आधारित असलेल्या "देवमाणूस" या नाटकाचे मायबाप रसिक प्रेक्षक, समीक्षक या सर्वांकडून कौतुक होत आहे.

या आधी भद्रकाली प्रॉडक्शन्स निर्मित असलेले ‘संगीत देवबाभळी’ या नाटकातून प्राजक्त देशमुख (लेखक-दिग्दर्शक), आनंद ओक (संगीत दिग्दर्शक), प्रफुल्ल दीक्षित (प्रकाशयोजनाकार) आणि शुभांगी सदावर्ते (अभिनेत्री) यांचे व्यावसायिक मराठी रंगभूमीवर पदार्पण झाले.

त्याचप्रमाणे ‘देवमाणूस’ या नाटकातून शंतनू चंद्रात्रे (लेखक), जयेश आपटे (दिग्दर्शक), शुभम जोशी, सायली सावरकर (संगीत), अपूर्वा शौचे (वेशभूषा) तसेच कलाकार श्रीपाद देशपांडे, प्रणव प्रभाकर, दुर्गेश बुधकर, आशिष चंद्रचूड, शर्वरी पेठकर, ऋतुजा पाठक यांचे देखील व्यावसायिक मराठी रंगभूमीवर पदार्पण झाले.

अशा या नाटकाचा २५ वा प्रयोग उद्या रवि. १९ फेब्रुवारी रोजी रात्री ८.३० वा. गडकरी रंगायतन, ठाणे येथे सादर होणार आहे.