Deepika Padukone: प्रभाससोबतचा चित्रपट सोडल्यानंतर दीपिकाची मोठी घोषणा; किंग खानसोबताच फोटो शेअर करत म्हणाली...

Deepika Padukone: काही महिन्यांपूर्वी, दीपिका पदुकोणने 'स्पिरिट' चित्रपट सोडल्याची बातमी आली होती आणि आता, अलीकडेच, अशी बातमी आली की ती 'कल्की २८९८ एडी' या चित्रपटाच्या सिक्वेलमधूनही बाहेर पडली आहे. आता तिने एक खास पोस्ट करुन सांगितले आहे की ती येत्या काळात शाहरुख खानसोबत त्यांचा सहावा चित्रपट 'किंग'चा भाग होणार आहे.

दीपिकाने काय म्हटले?

दीपिकाने शाहरुखचा हात धरलेला स्वतःचा फोटो शेअर केला. हा फोटो शेअर करताना दीपिकाने लिहिले, "१८ वर्षांपूर्वी, ओम शांती ओम दरम्यान, त्याने मला शिकवलेला पहिला धडा म्हणजे चित्रपट बनवण्याचा अनुभव आणि तुम्ही ज्या लोकांसोबत तो बनवता तो अनुभव यशापेक्षा जास्त महत्त्वाचा असतो. मी यावर खरोखर विश्वास ठेवते आणि मी घेतलेल्या प्रत्येक निर्णयात त्याचा वापर करते. म्हणूनच आम्ही आमचा सहावा चित्रपट एकत्र करत आहोत."

दीपिका आणि शाहरुखचा सहावा चित्रपट एकत्र

दीपिकाने शाहरुखला टॅग केले. किंगने शाहरुख आणि दीपिकाच्या सहावा चित्रपट एकत्र करणार असल्याचे नक्की झालं आहे. २००७ मध्ये प्रदर्शित झालेला त्यांचा पहिला चित्रपट 'ओम शांती ओम' होता. त्यांनंतर त्यांनी आणखी ४ प्रसिद्ध चित्रपट केले. 'किंग' बद्दल बोलायचे झाले तर, यात दीपिका आणि शाहरुख खान यांच्यासोबत सुहाना खान, अनिल कपूर आणि अभिषेक बच्चन आहेत.

'कल्की २८९८ एडी २' आता या चित्रपटाचा भाग नाही

अलीकडेच, वैजयंती मूव्हीजने माहिती दिली आहे की दीपिका पदुकोण आता 'कल्की २८९८ एडी' च्या सिक्वेलचा भाग नाही. त्यांनी लिहिले की, "आम्ही अधिकृतपणे जाहीर करतो की दीपिका पदुकोण आता 'कल्की २८९८ एडी' चा भाग नाही. खूप विचारविनिमय केल्यानंतर, आम्ही वेगळे होण्याचा निर्णय घेतला आहे. पहिल्या चित्रपटात इतका लांब प्रवास करूनही, आम्ही भागीदारी करू शकलो नाही. 'कल्की २८९८ एडी' मध्ये वचनबद्धतेची आवश्यकता आहे. तिच्या उर्वरित कामासाठी आम्ही तिला शुभेच्छा देतो."