HBD Nora Fatehi : फक्त 5 हजार रुपये घेऊन भारतात आलेली नोरा फतेही आज कोट्यवधींची मालकीण, संपत्तीचा आकडा ऐकून डोळे भिरभिरतील

बॉलिवूडची स्टार नोरा फतेहीचा (Nora Fatehi) आज (6 फेब्रुवारी ) वाढदिवस आहे. आयटम साँग क्वीन नोरा आज 33 वर्षांची झाली आहे. नोराचे अनेक म्युझिक व्हिडिओ प्रसिद्ध आहेत. आज कोट्यावधींची मालकीण नोरा फतेही भारतात आली तेव्हा तिच्याकडे फक्त 5000 रुपये होते. भारतात पहिल्यांदा आल्यावर नोरा फतेहीने ब्रेड आणि अंड्यांवर दिवस काढले होते. मनोरंजन विश्वात येण्यापूर्वी नोरा फतेही टेलिकॉलर, लॉटरीची तिकिटे विकण्याचे काम देखील केले होते. आपल्या अभिनय आणि डान्सच्या बळावर नोरा फतेहीने इंडस्ट्रीत स्वतःची ओखळ निमार्ण केली आहे.

नेटवर्थ किती ?

मीडिया रिपोर्टनुसार, बॉलिवूडची डान्स क्वीन नोरा फतेही संपत्ती जवळपास 52 कोटी रूपये आहे. अभिनेत्री, नृत्यांगना म्हणून तिची खास ओळख आहे. आजवर तिने दमदार आयटम साँग केले आहेत. नोरा फतेही एका गाण्यासाठी तब्बल 2 कोटी रुपये घेते. नोरा अनेक ब्रँडसोबत कनेक्ट आहे. ती अनेक जाहिरातीतून पैसे कमावते. नोरा फतेहीची 2022 मध्ये केकझोनची ब्रँड ॲम्बेसेडर म्हणून घोषणा करण्यात आले.

नोरा फतेहीने 'रोर : टायगर ऑफ द सुंदरबन्स' या चित्रपटातून बॉलिवूडमध्ये करिअरची सुरूवात केली. तिचा हा चित्रपट 2014 मध्ये प्रेक्षकांच्या भेटीला आला. नोरा फतेहीचे मुंबईत वरळी येथे आलिशान घर आहे. तिच्या घराची किंमत कोटींमध्ये आहे. तसेच नोरा आता एअक लग्जरी लाइफ जगत आहे. तिच्याकडे आलिशान कार आहेत. यात लग्जरी ब्रँडच्या गाड्यांचा समावेश आहे. यातल बीएमडब्लू , मर्सिडीज या कारचा समावेश आहे.

नोराचा सोशल मीडियावर मोठा चाहता वर्ग आहे. आपल्या डान्सचे, लूकचे फोटो आणि व्हिडीओ ती कायम चाहत्यांसोबत शेअर करत असते. तिचे इन्स्टाग्राम 47.3 मिलियन फॉलोअर्स आहेत. नोरा फतेही ही एक कॅनेडियन-मोरक्कन अभिनेत्री आहे. नोरा फतेहीने हिंदी, तेलगू आणि मल्याळम चित्रपटांमध्ये काम केले आहे. 'बिग बॉस 9'मध्ये नोरा फतेही बिग बॉसमध्ये झळकली होती.