Actress Sandel: ठाण्यात प्रसिद्ध अभिनेत्रीकडून देहविक्रीचा व्यवसाय; ग्राहकांना गुपचूप पाठवायची फोटो, असा झाला भंडाफोड?

Actress Sandel: झटपट श्रीमंत होण्याच्या नादात हल्ली अनेक तरुण- तरुणी चुकीचे पाऊल उचलतात. असाच एक प्रकार ठाण्याच्या वागळे इस्टेट परिसरात घडला आहे. या परिसरातील एका हॉटेल आज पोलीसांनी हाय-प्रोफाइल देहविक्री रॅकेटच्या शोधात धाड टाकली. पण यावेळी एक वेब सिरीजमध्ये काम करणारी प्रसिद्ध अभिनेत्री पकड्याचा धक्कादायक प्रकार समोर आला आहे. तिच्यासोबत दोन पिडित महिलांची सुटका केली आहे.  

पोलीस अधिकाऱ्यांच्या माहितीनुसार,  22 फेब्रुवारी रोजी हे संपूर्ण प्रकरण उघडकीस आलं.   २६ वर्षीय ही तरुणी काही काळापासून हिंदी वेब सिरीजमध्ये छोट्या भूमिका करत होती, पण सतत काम नसल्यामुळे तिने देहविक्री व्यवसायात मध्यस्थी म्हणून काम करत होती. भूमिका स्वीकारली होती. ग्राहकांना आकर्षित करण्यासाठी तिने व्हॉट्सअ‍ॅपवर महिलांचे फोटो पाठवले आणि त्यातून पैसे मिळवण्याचा रॅकेट चालवला, असा संशय उघड झाला आहे.

पोलिसांना गुप्त माहिती मिळाल्यानंतर बनावट ग्राहक तयार करून सापळा रचला. ठाण्याच्या वागळे इस्टेट परिसरातील एका हॉटेलमध्ये आल्यावर पोलिसांनी छापा टाकला. त्यानुसार आरोपी महिलेला ताब्यात घेऊन दोन पिडितांची सुटका केली आहे. तपास अधिकारी म्हणाले की, या रॅकेटद्वारे महिलांना ‘ग्लॅमर’च्या नावाखाली जाळ्यात ओढून अनैतिक व्यवसायात सहभागी घेण्यात भाग पाडायची. आरोपी व्हॉट्सअॅपवर  ग्राहकांशी संपर्क साधायची आणि टीव्ही कलाकार देखील भेटतील असे सांगून २५,००० रुपयांची मागणी करायची.

या कारवाईत पोलिसांनी बरेच पुरावे सापडले असून, आरोपींच्या मोबाइलमधून ग्राहकांना पाठवलेले मॅसेज आणि फोटो सापडले आहेत. आरोपीविरोधात मानवी तस्करी आणि अवैध देहविक्रीसाठी गुन्हा नोंदवला आहे. तसेच ११,६१०11 रुपयांच्या वस्तू जप्त केल्या असून पुढील तपास सुरू आहे.