Singer Mika Singh's Birthday : मिका सिंग हा बॉलिवूडचा प्रसिद्ध गायक आणि रॅपर आहे. मिका सिंगने बॉलिवूडला अनेक हिट गाणी दिली आहेत. आज 10 जून रोजी 'मौजा ही मौजा', 'धन्नो' सारखी ब्लॉकबस्टर गाणी देणाऱ्या मिकाचा वाढदिवस आहे. 1977 मध्ये पश्चिम बंगालमधील दुर्गापूर येथे जन्मलेल्या या गायकाने अनेक सोलो अल्बम देखील रिलीज केले आहेत आणि अनेकदा अनेक रिअॅलिटी शोमध्ये आपल्या दमदार आवाजाने लोकांचे मनोरंजन करताना दिसतो.
मिका सिंगची गणना बॉलिवूडच्या यशस्वी गायकांमध्ये केली जाते. आतापर्यंतच्या कारकिर्दीत त्याने अनेक हिट गाणी देऊन संगीत जगतात स्वतःची वेगळी ओळख निर्माण केली आहे. मात्र या गाण्यांसोबतच त्याचे नाव वादातही सापडले आहे. काही वर्षांपूर्वी त्यांच्या वाढदिवशी केलेल्या एका कृतीमुळे तो नाव चर्चेत आला होता. ती घटना आजही लोक विसरलेले नाहीत. (Latest Entertainment News)
मिकाने राखी सावंतला त्याच्या वाढदिवसाच्या पार्टीत जबरदस्तीने किस केले होते. गायक मिका सिंगची ती घटना आजही लोक विसरू शकलेले नाहीत. बर्थडे पार्टीत गायकाला राखी सावंतचे जबरदस्तीने चुंबन घेतले होते. हा व्हिडीओ समोर आल्यानंतर बराच गदारोळ झाला होता, मिकावर गुन्हाही दाखल करण्यात आला होता. मिका सिंग आणि वाद हे एक समीकरण झाले आहे.
मिका सिंग अनेकदा कोणत्या ना कोणत्या कारणावरून वादात सापडला आहे. थप्पड घोटाळ्यांचाही यात समावेश आहे. सिंगरच्या एका कार्यक्रमाचा व्हिडिओही व्हायरल झाला होता.
मिकाने एका कार्यक्रमात दक्षिण दिल्लीतील एका डॉक्टरला कानाखाली मारली होती. यावर सिंगरने डॉक्टर आपल्यासोबत गैरवर्तन करत असल्याचे सांगितले होते. त्याचा हा व्हिडिओ व्हायरल झाला आणि मिका पुन्हा एकदा चर्चेत आला.
सलमान खानशिवाय मिका सिंगही हिट अँड रन प्रकरणात अडकला आहे. 2014 च्या रिपोर्ट्समध्ये असे म्हटले होते की, सिंगरने ऑटो रिक्षाला धडक दिली होती आणि त्यात प्रवासी देखील जखमी झाले होते. जेव्हा मिका सिंगने सोशल मीडियावर एक फोटो शेअर केला, चौथ्यांदा तो वादात सापडला. ज्यामध्ये त्याच्या गालावर लिपस्टिकच्या खुणा दिसत होत्या.
त्याच्या गालावरील लिप्स्टिकचे निशाण बिपाशा बसूने केल्याचे त्याने सांगितले होते, त्यानंतर ती खूप चर्चेत आली. तथापि, नंतर मिकाने स्वतः सांगितले की हे चुंबन त्याच्या आजीने कॉमेडी नाईट्स विथ कपिल शोमध्ये घेतले होते.
मिका सिंग दलेर मेहंदीचा भाऊ आहे, त्याची लोकप्रियता देशात आणि परदेशातही आहे. परदेशातही तो स्टेज शो करत असतो. त्याच्या गाण्यांमुळे मिकाने करोडोंची प्रॉपर्टी कमावली आहे.
मीडिया रिपोर्ट्सनुसार, मिका त्याच्या एका गाण्यासाठी 15 लाखांपेक्षा जास्त फी घेतो. चित्रपटांतील गाण्यांसोबतच मिकाचे अल्बमही हिट झाले आहेत. एका रिपोर्टनुसार, आलिशान घरे आणि आलिशान वाहनांचा शौकीन असलेल्या मिका सिंगची एकूण संपत्ती 13 मिलियन डॉलर म्हणजेच जवळपास 96 कोटी रुपये आहे.
मिका सिंग त्याच्या स्वयंवरमुळे देखील चर्चेत आहे आणि या स्वयंवरमध्ये आकांक्षा पुरी विजेती ठरली आहे. मिका सिंगच्या लोकप्रिय गाण्यांबद्दल बोलायचे झाले तर, आंख मारे, आंखियों से गोली मारे, चिंता ता चिता चिता, गो गो गोविंदा, 440 व्होल्ट अशी अनेक गाणी आहेत, ज्यावर अनेकनाचे पाय आपसूक थिरकतात.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.