Housefull 5: पुन्हा एकदा चाहत्यांचे होणार 'हाऊसफुल' मनोरंजन; अक्षय आणि रितेश झळकणार पुन्हा एकत्र

मुंबई: २०१० वर्षापासून हास्याची हाऊसफुल जत्रा अजुनही अविरत चालू आहे. प्रेक्षकांचे निखळ मनोरंजन करण्याचा विडा या चित्रपटाने उचलला आहे. (Bollywood) अक्षय कुमार आणि रितेश देशमुख (Bollywood Actor) यांच्या जोडीने प्रेक्षकांचे निखळ मनोरंजन केले आहे. त्यांनी केलेल्या सिक्वेलमध्ये प्रेक्षकांना त्यातील अभिनय अधिक पसंतीस आला आहे. अभिनयासोबतच कलाकारांनी चित्रपटाला चार चॉंद लावले आहेत. हाऊसफुल सहित त्याचा सिक्वेलही अधिकच हिट ठरला होता. (Marathi Entertainment News)

आता हाऊसफूलच्या चाहत्यांसाठी आनंदाची बातमी म्हणजे लवकरच हाऊसफुल सिरीजचा पुढचा भाग प्रेक्षकांच्या भेटीला येणार आहे. नुकतीच चित्रपटाच्या निर्मात्यांनी अशी घोषणा केली आहे. सीरिजमधील पुढचा भागाला अर्थात 'हाऊसफुल ५' चित्रपटासाठी निर्मात्यांनी कंबर कसली आहे. सिरीजचा पुढचा भाग म्हणजे 'हाऊसफुल ५' साठी निर्मात्यांनी कंबर कसली आहे. साजिद नाडियावालाने ‘हाऊसफुल’ चित्रपटाच्या सीरिजची निर्मिती केली आहे.

आता ते 'हाऊसफुल ५' चित्रपटासाठी तयारी करत असल्याची माहिती एका संकेतस्थळाने दिली आहे. मीडिया रिपोर्टनुसार, ‘हाऊसफुल’ सीरिजमधील सगळे कलाकार 'हाऊसफुल ५' मध्ये दिसण्याची शक्यता आहे. ‘हाऊसफुल ४’ चित्रपटाच्या प्रदर्शनापासूनच साजिद नाडियावाला या सीरिजच्या पुढच्या भागाचा विचार करत होते. ‘हाऊसफुल’ सीरिजमधील सगळ्या पात्रांना योग्य न्याय देण्याचा प्रयत्न ‘हाऊसफुल ५’ मध्ये करण्यात आला आहे.

कथा आणि पटकथा यावर अजूनही काम सुरू आहे. 'हाऊसफुल ५' हा या सीरिजमधील सगळ्यात मोठा चित्रपट असणार आहे.एका संकेतस्थळाने दिलेल्या माहितीप्रमाणे, सध्या चित्रपटाचे निर्माते साजिद नाडियावाल चित्रपटाच्या कथेत लक्ष देत आहेत. हाऊसफुलच्या सीरिजमध्ये आतापर्यंत जेवढ्या कलाकारांनी अभिनय केले ते सर्व कलाकार या सीझनमध्ये दिसणार आहेत.

बॉलिवूड अभिनेता अक्षय कुमारसह, रितेश देशमुख, बॉबी देओल, जॉन अब्राहम आणि अभिषेक बच्चनही मुख्य भूमिकेत दिसणार आहेत. याबरोबरच ‘हाऊसफुल’ सीरिजमध्ये प्रमुख भूमिका साकारलेल्या अभिनेत्रींही झळकणार असल्याची माहिती आहे. चित्रपटात कोणकोणते कलाकार झळकणार आहेत याची माहिती नसली तरी बॉक्स ऑफिसवर हा चित्रपट धुमाकुळ घालणार हे नक्की.