शरण शर्मा दिग्दर्शित 'मिस्टर अँड मिसेस माही' आज (३१ मे) थिएटरमध्ये रिलीज झालेला आहे. गेल्या अनेक दिवसांपासून प्रेक्षकांना या चित्रपटाची उत्सुकता होती. अखेर चित्रपट रिलीज झालेला आहे. चित्रपटामध्ये प्रमुख भूमिकेत जान्हवी कपूर आणि राजकुमार राव आहे. सध्या दोघांच्याही अभिनयाचे नेटकरी कौतुक करीत असून चाहत्यांनी कथेला उत्तम प्रतिसाद दिलेला आहे. जाणून घेऊया, प्रेक्षकांनी चित्रपटाला कशाप्रकारे प्रतिसाद दिलेली आहे.
चित्रपटाचे कथानक जयपूरमध्ये राहत असलेल्या एका कपलवर आधारित आहे. राजकुमार रावने महेंद्र हे पात्र साकारले आहे तर जान्हवी कपूरने माहीचं पात्र साकारलं आहे. महेंद्र आणि माहीची लव्हस्टोरी प्रेक्षकांना भावली असून चाहते सध्या चित्रपटाचे जोरदार कौतुक करीत आहेत. अनेक युजर्सने चित्रपट पाहिल्यानंतर प्रतिक्रिया दिली आहे. एक युजर म्हणतो, "हा चित्रपट नक्कीच क्रिकेटप्रेमींना आवडेल. माही आणि महेंद्रची लव्हस्टोरी माझ्याप्रमाणेच तुम्हालाही आवडेल.", तर आणखी एकाने "मॅच मेड इन हेवन" अशी प्रतिक्रिया दिली.
तर चित्रपट समीक्षक तरण आदर्श यांनीही चित्रपटाबद्दल प्रतिक्रिया दिलेली आहे. "हृदयस्पर्शी कथा, स्पोर्ट्स ड्रामा चित्रपटामध्ये राजकुमार आणि जान्हवीचा दमदार अभिनय. आवर्जुन पहावा असा चित्रपट..." तर आणखी एक युजर बोलतो, "खूप सुंदर चित्रपट, क्रिकेटवर आधारित चित्रपट नाही. हृदयस्पर्शी कथाअसून माही आणि महेंद्रची अप्रतिम लव्हस्टोरी आहे. दमदार अभिनय राजकुमार आणि जान्हवी" अशी प्रतिक्रिया युजर्सने केलेली आहे. अनेकांनी चित्रपटाला ३ ते ३.५ इतके स्टार्स दिलेले आहेत. जान्हवी कपूर आणि राजकुमार राव यांच्याशिवाय चित्रपटात अभिषेक बॅनर्जी, राजेश शर्मा, कुमुद मिश्रा, जरीना वहाब आणि पूर्णेंदू भट्टाचार्य महत्त्वाच्या भूमिकेत दिसणार आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.